Актывісты грамадзянскай ініцыятывы «Супраць беззаконня ў судах і пракуратуры» праводзяць сёння пікет на плошчы Свабоды ў Менску. Глядзіце наш анлайн!
Opublikowany przez Белсат TV Środa, 16 sierpnia 2017
На плошчы Свабоды ў Менску адбыўся пікет актывістаў грамадзянскай ініцыятывы «Супраць беззаконня ў судах і пракуратуры».
12.04. Удзельнікі пікету перадалі зварот да Аляксандра Лукашэнкі ў ягоную адміністрацыю.
10.59. Тамара Сергей кажа, што заяўка на правядзенне пікету была накіраваная ў Менгарвыканкам яшчэ 31 ліпеня, але ніякага адказа яна не атрымала.
10.54. “Батура (былы старшыня Менаблвыканкаму” – “Белсат”) і яго сябры на свабодзе, хаця яны мусяць сядзець у турме”, – кажа адна з удзельніц пікету.
10.52. Тамара Сергей заявіла, што пасля пікету ўдзельнікі акцыі пойдуць да адміністрацыі прэзідэнта, каб перадаць свой зварот.
10.40. На пікет прыйшло чатыры чалавекі: лідарка ініцыятывы Тамара Сергей і яшчэ тры жанчыны. Яны трымаюць плакаты і патрабуюць адстаўкі старшыні Вярхоўнага суду Валянціна Сукалы. Акцыю здымаюць на камеры супрацоўнікі міліцыі ў цывільным.
Актывісты ініцыятывы «Супраць беззаконня ў судах і пракуратуры», якая была створана яшчэ ў 2007 годзе, не ў першы раз пратэстуюць супраць беззаконня ў судах. У мінулы раз акцыю планавалася правесці 23 чэрвеня 2016 года, але пікет быў сарваны праз прэвентыўные затрыманні лідара ініцыятывы Тамары Сергей і яшчэ двух чалавек, якія збіраліся прыняць удзел у пратэсце.
ІІ, belsat.eu
