Пра выездзе з паркінгу гандлёвага цэнтру «Арэна-сіці» аўтамабіль Renault Safrane сутыкнуўся з цаглянай сцяной і перакуліўся на эскалатар. У выніку здарэння ніхто не пацярпеў.
Паводле тэлеграм-каналу менскага ДАІ, інцыдэнт адбыўся 26 сакавіка ў 22:40.
«На мінус першым узроўні паркінга ГЦ «Арэна-сіці» кіроўца аўтамабіля «Рэно» не справіўся з кіраваннем, выязджаючы з паркавальнага месца, у выніку чаго здзейсніў наезд на сцяну», – адзначаюць у міліцыі.
Аўтамабіль прабіў сцяну і перакуліўся на эскалатар. У выніку здарэння ніхто не пацярпеў. Ратавальнікам спатрэбілася больш за 3 гадзіны, каб дастаць легкавы аўтамабіль, адзначае прэс-служба МНС.
«У выніку сутыкнення пашкоджана цагляная перагародка, участак эскалатара, элементы падвеснай столі і дэкаратыўнага аздаблення сцяны ўздоўж яго. Прычына здарэння высвятляецца. Дадзены інцыдэнт на функцыянаванне гандлёва-забаўляльнага і абслуговага комплексу з аўтастаянкай «Арэна-сіці» не паўплывала», – падкрэсліваюць у Міністэрстве па надзвычайных сітуацыях.
ІІ belsat.eu