З панядзелка і аўторка ацяпленне стане паступаць у кватэры жыхароў сталіцы.
Сацыяльныя будынкі ў Менску пачалі падключаць да ацяплення 5 кастрычніка. З пачатку наступнага тыдня і на працягу пяці дзён цяпло зʼявіцца ў жылых дамах.
Хуткасць падключэння таго ці іншага будынку залежыць, апроч іншых фактараў, ад адлегласці, на якой знаходзіцца крыніца цяпла.
Як паведамляе belta.by, 514 з 515 цеплакрыніц у Менску маюць статус напагатове да ацяпляльнага сезону.
ВЧ, belsat.eu