Выбух адбыўся ў іракскім горадзе аль-Хіля каля кантрольна-прапускнога пункту, дзе сабралася акурат некалькі дзясяткаў аўтамабіляў.
Больш за 50 чалавек загінулі ад выбуху аўтамабільнай цыстэрны, начыненай выбухоўкай, у КПП на ўездзе ў горад аль-Хіля, што ў 100 км на поўдзень ад Багдаду, паведамляюць прадстаўнікі іракскіх уладаў.
Паводле некаторых звестак, 39 з загінулых былі мірнымі жыхарамі, астатнія ахвяры – паліцыянты. Дзясяткі чалавек атрымалі раненні.
Як кажуць прадстаўнікі афіцыйнага Багдаду, цягам апошняга месяца падобныя напады пачасціліся, у выніку нападаў экстрэмістаў-самагубцаў загінула больш за 100 чалавек.
Самыя апошнія атакі выконвалі баевікі экстрэмісцкай групоўкі «Ісламская дзяржава». Адказнасць за гэты тэракт таксама ўзяла гэтая групоўка, падае іракскі тэлеканал «Alsumaria».
МЯ, паводле bbc.com