Невядомыя раскідаюць у шматпавярховіках улёткі, якія заклікаюць «Купляць беларускае» паводле дэмпінгавых коштаў.
Пра дэталі акцыі патэнцыйныя кліенты могуць даведацца, патэлефанаваўшы на нумар, які ўказаны мелкім шрыфтам па баках паперкі з бел-чырвона-белым арнаментам.
Пінчукам прапануюць вельмі танныя прадукты харчавання – курыца ад 18 тысяч за кілаграм, свініна ад 45, рыс – ад 11, макароны і кансервы. Акрамя ежы, прадаўцы запрапанавалі ўсім ахвочым свае паслугі ў сферы працаўладкавання.
TUT.by высветліў, што дадзены нумар належыць прыватнаму прадпрыемству з Бабруйску. Фірма сапраўды спецыялізуецца на кансалтынгавых паслугах. Аднак усе паслугі фэйкавыя, а ўказаныя нумары перанакіроўваюць на аўтаадказчык.
Па водгуках у інтэрнэце бачна, што «тэлефонныя прадпрымальнікі» падманулі ўжо шмат людзей.
Хоць скаргаў адносна ўлётак з таннаю курыцай яшчэ не было, ва ўпраўленні гандлю і паслуг Пінскага гарвыканкаму паабяцалі праверыць друкаваную рэкламу.
ДР, belsat.eu