Па факце забойства Івана Новікава, які служыў у 102-й вайсковай базе, распачалі крымінальную справу паводле артыкулу «забойства».
Цела хлопца з колата-рэзанымі ранамі знайшлі каля манументу «Маці Арменя». Цяпер праваахоўныя органы праводзяць праверку. Пакуль галоўная версія забойства – бытавая.
У сувязі з інцыдэнтам затрыманы ягоны калега, таксама вайсковец-кантрактнік. Ён дае паказанні, піша газета «Коммерсантъ».
Іван Новікаў служыў на той самай базе, што і Валерый Пермякоў, які 12 студзеня 2015 года забіў сем членаў армянскай сям’і Авесіцян, у тым ліку двух дзяцей. Жаўнер тэрміновай службы спрабаваў збегчы ад правасуддзя ў Турцыю, але яго затрымалі на мяжы. Пазней Пермякоў прызнаў сваю віну.
Чытайце таксама: Страх без нянавісці ў Гюмры
Паўгода таму забойства сям’і Авесіцян выклікала хвалю масавых пратэстаў у Гюмры і іншых гарадах. Жыхары рэспублікі патрабавалі выдаць Пермякова мясцовым уладам.
У выніку Арменія і Расея дамовіліся і цяпер вядуць сумеснае расследаванне.
ДР, belsat.eu
