Расеец спрабаваў правезці праз беларуска-польскую мяжу 60 грамаў какаіну


Берасцейская мытня распачала крымінальную справу ў адносінах да грамадзяніна Расеі.

Яго вінавацяць паводле ч.2 артыкула 328-1 Крымінальнага кодэксу Беларусі за спробу перамяшчэння праз беларуска-польскую мяжу асабліва небяспечнага наркатычнага рэчыва.

Skrutki

Скруткі з наркотыкамі

Расеец у якасці пасажыра аўта «Renault» ехаў у Польшчу праз рэспубліканскі пункт мытнага афармлення «Варшаўскі мост».

Падчас правядзення мытнага кантролю ў грамадзяніна знайшлі два скруткі з падазроным рэчывам белага колеру. Паводле эксперта Дзяржаўнага камітэту судовых экспертызаў па Берасцейскай вобласці, дадзены тавар зʼяўляецца небяспечным наркатычным рэчывам – какаінам. Агульная вага наркотыку склаў каля 60 грамаў.

Расеец затрыманы і змешчаны пад варту.

НМ, belsat.eu, паводле прэс-групы Берасцейскай мытні

Глядзі таксама
Каментары