На адным з сельскагаспарадрчых прадпрыемстваў Крычаўскага раёну загінуў працаўнік.
Як паведамляе Дзяржаўны камітэт судовых экспертызаў, 25 чэрвеня 2018 г двое працаўнікоў сельгаспрадпрыемства вырашылі скрасці з камбайна дызельнае паліва. Каб зліць паліва, ім спатрэбілася нахіліць камбайн, для гэтага яны падклалі пад яго бервяно. Раптам бервяно выскачыла і моцна ўдарыла аднаго з мужчынаў. Другі рабочы спалохаўся і ўцёк з месца здарэння. Пра здарэнне ў хуткую паведаміў дыспетчар прадпрыемства. Мужчыну забралі ў шпіталь, але ад атрыманых траўмаў ён памёр.
Следчы камітэт узбудзіў крымінальную справу па факце смерці працаўніка, а Дзяржаўны камітэт судовых экспертызаў намагаецца высветліць усе акалічнасці здарэння і ўсталяваць дакладную прычыну смерці.
ГА, belsat.eu