Міністэрства абароны спраўджвае звесткі тых, хто накіраваў у ведамства зварот.
Прадстаўнік «Белсату» у Беларусі Аляксей Мінчонак, які праз сэрвіс Zvarot.by патрабаваў адстаўкі кіраўніцтва Міністэрства абароны, нечакана атрымаў адказ.
«Ад вашага імя ў Міністэрства абароны Рэспублікі Беларусь паступіў электронны зварот. Просім Вас праверыць пазначаныя ў звароце звесткі і пацвердзіць факт адпраўкі Вамі электроннага звароту, адказаўшы на гэты ліст», – гаворыцца ў паведамленні.
Аляксей Мінчонак распавёў Belsat.eu, што думае пра такія лісты:
«Такім чынам міністэрства спрабуе ціснуць на падпісантаў. Некаторыя могуць напалохацца адказваць. Хтосьці палянуецца ці не заўважыць. А потым чыноўнікі міністэрства скажуць пра мэтанакіраваную спам-атаку і інфармацыйную вайну супраць іх».
Учора праз свой сайт Міністэрства абароны заявіла пра разгортванне «мэтанакіраванай кампаніі па дыскрэдытацыі ўзброеных сілаў».
Скандал вакол абароннага ведамства разгарэўся пасля смерці ў вайсковай частцы ў Пячах жаўнера Аляксандра Коржыча.
Глядзіце таксама:
НМ, belsat.eu