Аляксандр Максімаў не захацеў раскрываць ідэі фільму, бо стужка мае стаць нечаканасцю.
Праект – некамерцыйны. Паводле задумы аўтара, гэта будзе «камедыя жэстаў пра пошукі самога сябе». Пакуль што ў рэжысёра ёсць адзін двайнік.
«Спачатку я думаў пра чатырох-пяць чалавек, але калі будзе больш, то гісторыю можна раскруціць. Калі да канца верасня знайду актораў, можна будзе здымаць у лістападзе. Усё залежыць ад людзей. Мне не патрэбныя людзі падобныя да Джыгурды, а патрэбныя падобныя да замежных зорак. Я хачу раскрыць парадокс арыентаваны не на Расею, а на ўвесь свет».
Усіх зацікаўленых Аляксандр Максімаў просіць пісаць да яго ў Facebookʼу.
Аляксандр Максімаў – прадзюсар у рэкламным агенцтве, кіно займаецца ў вольны час. Ягоны фільм «Паўз церні» атрымаў некалькі ўзнагарод на расейскіх фестывалях кароткаметражнага кіно.
ДР belsat.eu
