У выніку ўчорашняга, другога слухання дэпутаты прынялі папраўкі, прапанаваныя Уладзімірам Пуціным падчас тэлевізійнага выступу 29 жніўня.
Галасаванне суправаджалася пратэстамі, як пад будынкам Дзярждумы, так і ўнутры яго. Дэпутаты ад фракцыі КПРФ прыйшлі на разгляд паправак у футболках з перакрэсленымі лічбамі 63 і 65, якія абазначаюць узрост выхаду на пенсію.
Далей законапраект чакае разгляд у Савеце Федэрацыі, верагодна 3 кастрычніка і подпіс прэзідэнта Расеі.
Рэформа мае павелічыць пенсійны ўзрост да 60 гадоў для жанчын і 65 – для мужчын. Шматлікія пратэсты супраць законапраекта ў Расеі працягваюцца ад чэрвеня. Апошні прайшоў 9 верасня.
ЛБ, belsat.eu