Апошні раз яго бачылі журналісты, калі ён піў «Джэк Дэньелз» і паліў самакрутку марыхуаны. Цяпер ён джыхадыст...

«Ісламская дзяржава» (ІД) – ісламісцкая тэрарыстычная арганізацыя, галоўнай мэтай якой з’яўляецца – адраджэнне Халіфату на тэрыторыі Іраку і Сірыі. Да тэрарыстаў-рамантыкаў, якія досыць паспяхова піарацца ў інтэрнэце далучылася даволі шмат знакамітых людзей. А менавіта – рэперы, спартоўцы, акторы і нават дзяржаўныя чыноўнікі. Давайце зірнем, што гэта за людзі, якія выбралі чорны сцяг непрызнанай джыхадысцкай дзяржавы.

Расейскі актор

[vc_single_image image=”1″ img_size=”large”]

Вадзім Дарафееў нарадзіўся ў самай звычайнай маскоўскай сям’і. У 2010 скончыў інстытут, дзе вучыўся разам з сынам Андрэя Макарэвіча. Яшчэ студэнтам Вадзім прыглянуўся знакамітаму рэжысёру Бадрову-старэйшаму, які запрасіў Дарафеева сыграць галоўную ролю ў сваім фільме «Дачка якудзы». Актор цудоўна праявіў сябе на здымках, здавалася, яго чакае вялікая будучыня. Аднак ужо ў студзені 2014 года ён прыняў іслам, кінуў сваю жонку і двух маленькіх дзяцей, каб адправіцца ў Сірыю разам са сваім сябрам, таксама акторам, Леанідам Целяжынскім. Там яны далучыліся да групоўкі «Ісламская дзяржава». Неўзабаве ў медыях з’явілася інфармацыя, што 31-гадовы расейскі актор загінуў у Сірыі. Апошняя праца Дарафеева – роля ў дэтэктыўным тэлівізыйным сэрыяле «Балабол».

Двухразовы чэмпіён свету па муай-тай 

[vc_single_image image=”3″ img_size=”large”]

Гашы – 29-гадовы немец албанскага паходжання два разы станавіўся сусветным чэмпіёнам і чэмпіёнам Еўропы па тайскім боксе ў суперлёгкай вазе. Пачаў сваю прафесійную спартовую кар’еру ў 21, за сем гадоў правёў больш за 150 двубояў. Пра тое, што «таец» далучыўся да тэрарыстычнай групоўкі «Ісламская дзяржава», стала вядома з паведамлення, апублікаванага на ягонай старонцы ў «Facebook’у» ў сёлетнім чэрвені.

«Не трэба асуджаць майго ўчынку. Вы не ведаеце ўсёй гісторыі цалкам», – напісаў спартовец, падмацаваўшы допіс сваім фотаздымкам са ўсімі чэмпіёнскімі тытуламі на фоне сцягу ІД. У Сірыю чэмпіён адправіўся не адразу, напачатку ён трэнаваў прыхільнікаў «Ісламскай дзяржавы» у швейцарскім Вінтэртуры. Там ён арандаваў падвал у будынку мясцовай федэрацыі муай-тай, дзе вучыў траіх будучых баевікоў тэхнікам тайскага боксу, а пасля разам з імі адправіўся на Блізкі Усход. У ІД ён займаўся патруляваннем тэрыторыі паблізу сірыйска-турэцкай мяжы. Ісламісты таксама выкарыстоўвалі Гашы дзеля ўласнага піяру: ён выкладваў на сваёй старонцы ў «Facebook’у» фатаграфіі з элементамі раскошы, што, на задумку кіраўніцтва ІД, павінна было прыцягнуць новых чальцоў у шэрагі арганізацыі. Гашы застрэлілі ў суботу, 4 ліпеня, пры нявысветленых абставінах.

Кіраўнік таджыкскага АМАПу

[vc_single_image image=”5″ img_size=”large”]

Палкоўнік таджыкскай міліцыі Гулмурод Халімаў паведаміў, што далучыўся да  «Ісламскай дзяржавы» праз відэазварот, у якім папярэдзіў, што вернецца з джыхадам у Таджыкістан. А таксама адзначыў, што прайшоў антытэрарыстычныя курсы ў ЗША і Расеі. Як высветлілася пазней, ён не схлусіў. З 2003 да 2014 года Халімаў прайшоў пяць этапаў навучання ў межах амерыканскіх антытэрарыстычных праграмаў, як у ЗША, так і ў Таджыкістане. Вядома, што Гулмурод Халімаў браў удзел у шэрагу расейскіх адукацыйных антытэрарыстычных праграмаў.

Футбольная зборная «Ісламскай дзяржавы»

Да ісламістаў і джыхадыстаў далучылася настолькі шмат футбалістаў, што да чэмпіянату свету–2018 у Расеі, лёгка можна было б сабраць цэлую футбольную зборную ІД.

[vc_single_image image=”7″ img_size=”large”]

Бурак Каран, нямецкі футбаліст турэцкага паходжання, пачынаў кар’еру ў леверкрузенскім «Баеры». Падаваў вялікія надзеі, уваходзіў у юнацкія зборныя Нямеччыны U-16 і U-17, дзе гуляў з чэмпіёнам свету Самі Хедзірам і Кевінам-Прынсам Боатэнгам. У кар’еры Карана гульні за «Гановэр» і «Гамбург». У 2008 годзе футбаліст павесіў буцы на цвік і павесіў на плячо аўтамат, увайшоўшы ў шэрагі ІДз. У кастрычніку 2013 года паспяхова футбаліста забілі падчас бамбавання паселішчаў пад Алеппа (Сірыя).

Партугалец Фабіё Покас мог пайсці шляхам Крышціяна Раналду. Ён таксама пачынаў кар’еру ў шэрагах акадэміі Спортынгу. Але пазней стала зразумела, што футбол больш не з’яўляецца самай вялікай мараю партугальца, яго самай вялікай жарсцю стаў Джыхад.

Экс-капітан клубу з найвышэйшага дывізіёна Казахстану «Акжайык» Айбек Губайдулін падазраецца ва ўдзеле ў ваенным канфлікце на тэрыторыі Сірыі на баку няўрадавых войскаў – ІД.

Выхадзец з Косава Крэшнік Бярыша гуляў у Нямеччыне за габрэйскі аматарскі клуб «Макабі», але ў 2013 годзе далучыўся да радыкалаў-ісламістаў у Сірыі. У 2015 годзе праваахоўныя органы судзілі баявіка. Футбаліст атрымаў скарачэнне тэрміну з 10 да 3 гадоў і 9 месяцаў у абмен на прызнанне віны і інфармацыю пра групоўку і яе ўдзельнікаў.

Нэдхал Сэлмі выступаў у знакамітым туніскім клубе «Этуаль дзю Сахель», уладальніку усіх клубных кантынентальных трафеяў Афрыкі. У лютым 2014 клуб скасаваў кантракт з футбалістам. На сваёй старонцы ў «Facebook’у» Сэлмі змяніў стары аватар, дзе ён у футбольнай форме на фоне чорнага сцяга «Ісламскай дзяржавы». На пытанні сяброў ён адказваў вельмі лаканічна: «Сустрэнемся на нябёсах». У кастрычніку 2014 там ён і аказаўся.

Калі ў апошні раз яго бачылі журналісты, ён піў «Джэк Дэньелз» і паліў самакрутку марыхуаны. Цяпер ён джыхадыст

[vc_single_image image=”9″ img_size=”large”]

Рэпэрскі клан у ІД, магчыма, нават мацнейшы за футбольную зборную. Гэтыя творчыя людзі далучыліся да ісламістаў, падаўшы прыклад сваім фанатам. Шматтысячныя канцэрты, мільёны праглядаў і праслухоўванняў на «Youtube’е», усё гэта засталося ў мінулым. Ім больш не патрэбныя слава і грошы, сёння іхная мэта – адрадзіць Халіфат.

Дэніс Мамаду Герхард Гусперт вядомы пад сцэнічным псеўданімам Deso Dogg

Нямецкі рэпер, які падпісаў кантракт з «Streetlife Entertainment» і выдаў тры альбомы: «Schwarzer Engel» (2006), «Geeni’z» у супрацы з «Jasha» (2008) і «Alle Augen auf mich» (2009). Пасля прыняцця ісламу ўзяў мусульманскае імя Абу Малік, а затым Абу Тальха аль-Альмані.

Гусперт нарадзіўся ў 1975 годзе ў бэрлінскім раёне Кройцберг. Бацька – ганец, маці – немка. Бацька кінуў сям’ю, калі сын быў яшчэ дзіцём. Маці выйшла замуж за афіцэра арміі ЗША, з якім Гусперт меў пастаянныя канфлікты. Правёў нейкі час у следчым ізалятары для няпоўнагадовых. А ў 1995 годзе пачаў кар’еру рэпера.

У 2010 ён ледзь не загінуў у аўтамабільнай катастрофе і перанёс клінічную смерць. Тады ж прыняў іслам і прыпыніў кар’еру рэпера. Пазней пераехаў у Егіпет, а адтуль у Сірыю, дзе ўзяў удзел у грамадзянскай вайне на баку антыдзяржаўных сілаў. У 2014 годзе ён даў клятву вернасці (байа) «Ісламскай дзяржаве Іраку і Леванту». З’яўляўся ў прапагандысцкіх роліках групоўкі, у адным з якіх трымаў у руках адрэзаную галаву чалавека. Па меркаванню экспертаў рэпер займае ў ІДз вельмі высокую пазіцыю, як нямецкамоўныпрапагандыст ідэялаў гэтай арганізацыі. На меркаванне экспертаў, рэпер займае ў ІД вельмі высокую пазіцыю, як нямецкамоўны прапагандыст ідэалаў гэтай арганізацыі.

Рэпер Эміна

[vc_single_image image=”13″ img_size=”large”]

Маруан Даўіры, больш вядомы як рэпер Эміна, паведаміў пра сваё далучэнне да «Ісламскай дзяржавы» таксама праз сацыяльныя сеткі, падмацаваўшы тэкст фотаздымкам з Іраку. Раней Эміна быў адзін з дзясяткаў туніскіх рэпераў, якія крытыкавалі рэжым прэзідэнта Зін аль-Абідзін Бэн Алі. Калі ў апошні раз яго бачылі журналісты, ён піў «Джэк Дэньелз» і паліў самакрутку марыхуаны. Але ж з тых часоў шмат чаго змянілася, сёння Маруан Даўіры ўжо не рэпер, ён джыхадыст.

Рэпер Эль Джынні

[vc_single_image image=”17″ img_size=”large”]

Абдэль-Маджыд Абдэль Бары, таксама вядомы як брытанска-егіпецкі рэпер Lyricist Jinn, або L Jinny, пачынаў сваю кар’еру песнямі пра складанае юнацкае жыццё ў сацыяльным жытле на ўскрайку заходняга Лондану: гвалт, наркотыкі, пагрозы дэпартацыі ягонай сям’і ў Егіпет.

У больш позніх песнях знікаюць спасылкі на ужыванне наркотыкаў, Эль Джыньні пачынае крытыкаваць людзей, якія марнуюць грошы ў клубах, на наркотыкі ды алкаголь, замест таго, каб дапамагаць сваёй сям’і. Некаторыя творы Бары траплялі на BBC Radio 1, найбольш вядомы трэк рэпера – «Овердоўз». Калі Бары было 6 гадоў, ягонага бацьку катавалі па падазрэнні ў радыкальным ісламізме. Пасля вызвалення ён разам з сям’ёй папрасіў палітычны прытулак у Брытаніі. Рэпер далучыўся да «Ісламскай дзяржавы», а пасля ўвайшоў у элітную групоўку галаварэзаў «The Beatles», празваных гэтак за свой брытанскі акцэнт. У ліпені 2015-га паведамілі, што Бары ўцёк у Турцыю, выдаўшы сябе за бежанца падчас адступлення войскаў ІДз. Цяпер яго шукаюць як брытанскія спецслужбы, гэтак і карнікі ІДз, што ўжо пакаралі смерцю дзясяткі дэзертыраў.

[vc_single_image image=”20″ img_size=”large”]

Да «Ісламскай дзяржавы» далучылася нават зорка «50 адценняў шэрага» Дакота Джонсан. Але гэта быў толькі жарт для камедыйнага шоу. Ролік ўжо мае больш за 2,5 мільёны праглядаў.  Не кепскі пі-ар для кінатрылогіі, дзе галоўныя героі аддаюць перавагу БДСМ.

Дык чаму маладыя і паспяховыя далучаюцца да рэлігійных фанатыкаў? Больш за 70 гадоў таму нямецкі філосаф і сацыёлаг Эрых Фром гэтак патлумачыў жаданне людзей стаць часткаю таталітарных арганізацыяў: «Чалец капіталістычнага вельмі індывідуалізаванага грамадства сутыкаецца з вострай праблемаю самотнасці ды адсутнасці прыналежнасці. Скончылася эра перадвызначанасці, дзе сацыяльны статус і жыццёвы ўклад прадвызначаліся паходжаннем. Цяпер для кожнага чалавека адкрытыя ўсе шляхі, але не забяспечана праходжанне па аніводным з іх. Чалавек вольны ісці ў любым кірунку, але падсвядома чуе, што ў аніводнай з канцавых кропак гэтага шляху яго ніхто не чакае і на кожным жыццёвым этапе ён мусіць даказваць сваё права быць там. А галоўнае – даволі часта адсутнічае ўсялякая мэта і разуменне свайго прызначэння, што нараджае сумневы, страх, гнеў».

Мікіта Семяненка, belsat.eu