78 % жыхароў РФ лічаць, што ЗША граюць у свеце «адмоўную ролю» і толькі 7 % прыязна ставяцца да амерыканскай міжнароднай палітыкі.
[vc_single_image image=”1″ img_size=”large”]
Расейскія сацыёлагі з Фонду «Общественное мнение» высветлілі ў сваім апошнім даследаванні, што толькі 12 % жыхароў Расеі разлічваюць на паляпшэнне адносінаў паміж Масквой і Вашынгтонам. 37% расейцаў на гэта нават не спадзяюцца.
Тыя ж 37 % лічаць, што ў дрэнных адносінах вінаватыя Злучаныя штаты, але палова рэспандэнтаў упэўненая, што Крэмль павінен зрабіць крок насустрач амерыканскім палітыкам.
У сувязі санкцыямі супраць Масквы, ўведзенымі краінамі Захаду (паводле кіруючай эліты РФ гэта было зроблена пад націскам Белага дому) эканамічная сітуацыя ў Расеі значна пагоршылася і цяпер пуцінскі ўрад спрабуе знайсці падтрымку і разуменне ў краінах Еўропы.
Паводле міністра фінансаў РФ Антона Сілуанава з-за санкцыяў расейская эканоміка губляе каля $ 40 млрд. у год. Падзенне коштаў на нафту (паводле некаторых прагнозаў яны могуць знізіцца да $ 50) можа прывесці да стратаў у памеры каля $ 100 млрд. Сёлета прэзідэнт Уладзімір Пуцін заявіў, што Расея гатовая да «катастрафічнага» падзення на нафтавых рынках.
Верагоднасць паляпшэння расейска-амерыканскіх адносінаў, нягледзячы на зацікаўленасць у гэтым эканамічнага блоку расейскага ўраду, вельмі нізкая.
[vc_single_image image=”3″ img_size=”large”]
Юрась Высоцкі, belsat.eu