Актывісты руху SERB сарвалі паказ дакументальнай стужкі пра вайну ва Украіне

Wideo

Фота: @currenttimedoc

10 снежня актывісты руху SERB сарвалі паказ дакументальнай кінастужкі Беаты Бубенец «Палёт кулі», які меўся адбыцца ў межах фестывалю «Артдокфест» у Маскве.

Актывісты руху SERB аблілі экран невядомай вадкасцю і крычалі са сцэны, што гэта «фільм супраць расейцаў».

Рух SERB (South East Radical Block – «Паўднёва-ўсходні радыкальны блок») быў заснаваны ў Днепрапятроўску (Украіна) увесну 2014 года, пасля змены ўлады ва Украіне. Арганізацыя выступала за аўтаномію паўднёва-ўсходняй часткі Украіны. У верасні 2014 года актывісты руху з’ехалі ў Расею і замянілі слова «радыкальны» у назве сваёй арганізацыі на «расейскі».

Актывістаў, якія сарвалі паказ, затрымала расейская паліцыя.

Арганізатары фестывалю, некаторыя гледачы і адміністрацыя кінатэатру «Кастрычнік» плануюць напісаць заявы ў паліцыю.

«Гэта быў штурм», – пракаментаваў інцыдэнт кіраўнік фестывалю «Артдокфест» Віталь Манскі.

Фільм быў зняты ў 2014 годзе і распавядае пра ўзброены канфлікт на Данбасе.

ЮВ, belsat.eu

Глядзі таксама
Каментары