«Для ўладаў не мае значэння, ці гэта сход, ці гэта масавае мерапрыемства. Усе тыя акцыі, што арганізоўваюцца апазіцыяй або скіраваныя супраць улады, расцэньваюцца як варожыя акцыі і будуць без усялякіх сумневаў падаўляцца, калі будзе ўзнікаць нейкая рызыка пагрозы», – падкрэслівае палітолаг. Ён адзначае, што ўжо цяпер улады дзеюць «на апераджэнне», затрымліваючы і арыштоўваючы актывістаў апазіцыі ды тых, хто мае датычнасць да арганізацыі Народнага сходу.
«Прадстаўнікі ўлады ўвогуле не пойдуць на гэтае мерапрыемства – няма чаго туды ісці і няма пра што размаўляць з апазіцыяй. Пра гэта яўна заявіў Лукашэнка, калі заявіў, што ніякага дыялогу «з пятаю калонаю», то бок з апазіцыяй, не будзе, – гаворыць Павал Усаў. – Цяпер арганізатары Народнага сходу прадстаўляюць пратэставы патэнцыял з патрабаваннямі сацыяльных, эканамічных і палітычных рэформаў, што для Лукашэнкі не ёсць магчымым».
Паводле палітолага, імавернасць таго, што падчас Народных сходаў паўторыцца крывавы сцэнар жорсткіх разгонаў дэманстрантаў, невялікая. «Можна чакаць жорсткіх дзеянняў з боку ўладаў, калі апазіцыя вырашыць перайсці межы Бангалору, пайсці ў нейкім кірунку. Калі ж усё пачнецца і скончыцца Бангалорам, усё скончыцца без жорсткіх канфліктаў і боек з міліцыяй», – заявіў палітолаг Павал Усаў, каментуючы ініцыятыву правядзення Народнага сходу, што мае адбыцца 8 кастрычніка.
belsat.eu
