Капсула часу, закладзеная пад помнікам Касцюшку ў Вайсковай акадэміі ЗША (Ўэст-Пойнт), усё ж утрымлівала ў сабе цікавыя знаходкі. Хоць першапачатковы агляд быў менш паспяховы.
У траўні 2023 года падчас рамонту пастаменту пад помнікам Тадэвушу Касцюшку на тэрыторыі амерыканскай акадэміі Ўэст-Пойнт знайшлі загадкавую свінцовую скрынку, датаваную прыблізна 1820-і гадамі.
Знаходку доўгі час вывучалі археолагі, выкарыстоўваўся нават спецыяльны рэнтгенаскапічны апарат, але ўсе намаганні высветліць, што ў сярэдзіне, былі марныя.
28 жніўня капсулу пастанавілі адкрыць падчас урачыстай цырымоніі, для гэтага ў зале сабраліся курсанты акадэміі, а трансляцыя вялася ў наўпрост на YouTube. Але, на здзіўленне прысутных, у капсуле нічога не знайшлі.
Аднак далейшае вывучэнне паказала, што ўнутры яе ўсё ж былі артэфакты, як паведамлялася, убудаваныя ў «матрыцу скрынкі».
Сярод знаходак былі медаль і пяць манетаў наміналам ад аднаго цэнта да аднаго долара перыяду з 1795 да 1828 года.
Знойдзены медаль – узнагарода ў гонар завяршэння будаўніцтва каналу Іры (Erie) ў 1825 годзе, што злучаў раку Гудзон у штаце Нью-Ёрк з Вялікімі азёрамі.
Вывучэнне знаходкі працягнецца.
Раман Шавель belsat.eu
