Галандыя і Аўстралія адпраўляюць свае вайскова-паліцэйскія падраздзяленні ва усходнюю Украіну, каб забяспечыць аб’ектыўнае расследаванне прычынаў катастрофы «Боінга-777», паведамляе галандскае выданне «De Telegraaf».
Таксама Амстэрдам сур’ёзна абдумвае магчымасць удзелу ў аперацыі корпусу камандас (КСТ), якія маюць вялікі баявы вопыт у рамках дзейнасці НАТА і міратворчых сілаў ААН.
КСТ – падраздзяленне, якое займаецца пераважна антытэрарыстычнай дзейнасцю. Яны спецыялізуюцца ў вызваленні закладнікаў і захопе ваенных злачынцаў.
Камандас гатовыя, калі спатрэбіцца, узяць на сябе адказнасць у захопе лідара прарасейскіх сепаратыстаў – Ігара Гіркіна. У КСТ ёсць досвед падобных акцый за мяжой. Найбольш вядомая з іх – захоп ў 1997 годзе ў Сараеве харвата Владка Купрэшкіча, абвінавачанага ў этнічных чыстках супраць баснійскіх мусульман.
Галандскія эксперты прызнаюць, што ў існых умовах ажыццявіць такога роду аперацыю ва Украіне будзе надзвычай складана.
Для ўдзелу замежных міратворцаў на тэрыторыі Украіны неабходны мандат ААН і згода Кіева. Таксама не выключана, што ў выпадку міратворчай місіі заходніх вайскоўцаў, «міратворчы» мандат запатрабуе і Расея, што фактычна будзе азначаць увод войскаў РФ на тэрыторыю Украіны.
Настроі ў галандскім грамадстве пасля збіцця «Боінга-777» над Украінаю надзвычай абвостраныя і народ патрабуе адплаты, таму верагоднасць таго, што ва Украіну пашлюць спезнац, даволі высокая.
МЯ, belsat.eu, паводле censor.net.ua