Смяротнікі ды абстрэлы з мора: «ноу-хау» ад тэрарыстаў на Данбасе


Сітуацыя на Данбасе застаецца складанай, паведамляе кіраўнік «Інфармацыйнага супраціву» Дмытро Тымчук у сваім «Facebook’у». Нягледзячы на захоп у палон расейскіх наймітаў, блакаду шэрагу паселішчаў, зачыстку гораду Рубежнае, за мінулыя содні тэрарысты аказвалі жорсткі супраціў украінскім сілавікам.

Зафіксаваны першы выпадак падрыву смяротніка ў зоне правядзення антытэрарыстычнай аперацыі, якая працягваецца ўжо чацвёрты месяц. Самазабойца падарваў сябе на адным з блок-пастоў паблізу населенага пункту Каменка ў Данецкай вобласці. «Камікадзэ» сядзеў за рулём мікрааўтобуса, начыненага выбухоўкаю.

Таксама ўпершыню тэрарысты атакавалі ўзброеныя сілы з мора.

Найбольш складаная сітуацыя, паводле Тымчука, у раёне Данецку, Луганску, Попаснае, Краснадону, Аўдзееўкі, Горлаўкі, а таксама ў прымежных раёнах.

ДР, belsat.eu

Глядзі таксама
Каментары