Вазняк: Хутка цяжка будзе знайсці сям’ю, дзе хтосьці не быў за кратамі


Беларусы паводле сваёй натуры не злачынцы, значыць, штосьці не так робіць дзяржава, мяркуе актывіст грамадзянскай кампаніі «Гавары праўду!» Сяргей Вазняк.

Шмат хто сядзіць у турмах з тых, хто не мусіць там быць, падкрэсліў дзеяч. Не варта караць людзей турэмнымі выракамі за эканамічныя злачынствы, а можна было б у гэтых выпадках абмежавацца кампенсацыяй страты і штрафамі. Сітуацыю, калі практычна ў кожнай беларускай сям’і нехта з родзічаў ці блізкіх пабываў за кратамі, спадар Вазняк назваў ненармальнаю. Ён мяркуе, што адказнасць за гэта нясе дзяржава.
{movie}Вазняк у “Гарачым каментары” пра беларускія суды|right|10441{/movie}
Ці можа суддзя супрацьдзеяць сістэме?

У Беларусі ўсіх суддзяў назначае адзін чалавек, і перад ім, а зусім не перад законам яны нясуць адказнасць, адзначыў Сяргей Вазняк: «Калі б суддзя выбіраўся групаю людзей – жыхарамі, прадстаўнікамі ўлады, любым калегіяльным органам, то ў гэтым выпадку групе людзей дагадзіць немагчыма, тады суддзя мусіць дагаджаць закону, быць залежным ад яго».

Суддзі, нават тыя, каго прызначае кіраўнік краіны, – таксама людзі, якім часцяком бывае сорамна. Не ўсе з суддзяў хочуць, каб іх сорам і ганьба пасля вынясення несправядлівых выракаў сталіся публічнымі. Суддзя, якая 2 гады таму агалошвала прысуд самому Сяргею Вазняку, на ягоную думку, таксама не рабіла гэтага з вялікім запалам: «Думаю, у яе была палёгка, што гэта быў умоўны вырак і яна не адправіла нас у турму».

Адзіны шанс пратэсту суддзі – адстаўка, мяркуе дзеяч. «Ёсць праблема адтоку кадраў з судовай сістэмы, бо людзям непрыемна выносіць такія прысуды не паводле закону, не паводле ўласнага сумлення і перакананняў, а пад нейкім ціскам», – адзначыў госць «Белсату».

МЯ., belsat.eu
https://youtu.be/otsYAv8zEF0

Глядзі таксама
Каментары