Грамадскі рух «Чесно» высветліў, хто з украінскіх кандыдатаў у новы парламент прагаласаваў за законы ад 16 лістапада 2013 г. (г. зв. дыктатарскія законы), пасля прыняцця якіх хваля пратэстаў ахапіла заходнюю і цэнтральную Украіну.
Большасць прыхільнікаў «дыктатарскіх законаў» ідуць у Вярхоўную раду ад Камуністычнай партыі Украіны, Апазіцыйнага блоку (палітычная сіла з’явілася на абломках Партыі рэгіёнаў) і партыі Моцная Украіна. Адзін з прыхільнікаў «дыктатарскіх законаў» ідзе ад Блоку Пятра Парашэнкі.
Законы прымаліся ў спешцы, узняццем рук. Гэтыя заканадаўчыя акты пашырылі паўнамоцтвы шэрагу дзяржаўных органаў улады і далі сілавікам магчымасць падаўляць акцыі пратэсту ў Кіеве і рэгіёнах.
Акрамя таго ў парламенцкіх выбарах ва Украіне ўдзельнічае 6 сыноў дзейных дэпутатаў. А таксама сын прэзідэнта Украіны.
[vc_single_image image=”346733″ img_size=”large”]
ЮВ, belsat.eu