Шаноўныя сябры! Імпрэза, прысвечаная народзінам Караткевіча адбудзецца ў памяшканні дзяржаўнай установы – Менскай абласной бібліятэкі. А ў дзяржаўных установах не заўсюды радыя бачыць незалежных журналістаў… З вялікай прыкрасцю мусім вам паведаміць, што запланаванай онлайн трансляцыі, арганізаванай сіламі “Белсату”, на нашым сайце не будзе.
Тым не менш, он-лайн трансляцыю вы зможаце пабачыць на сайце нашых сяброў – на старонцы prastora.by. Праз некаторы час відэа (якім чынам – сакрэт і канспірацыя , усё ж мае з’явіцца і ў нас. Але – толькі самае цікавае.
Бадай найлепш у гэтай сітуацыі пасуе цытата з нашага беларускага класіка:
“– Там мы стаялі пад чыстым небам, – вінавата сказаў палачанін. – А тут такая цемра. Такая свінячая цемра!
– Кінь. Чалавек носіць сваё неба з сабою“.
Ці будзе над намі чыстае неба ці свінячая цемра – залежыць ад кожнага з нас.
Падчас культурніцкай імпрэзы адбудзецца прэзентацыя аўдыякніг славутага пісьменніка.
У вечарыне возьмуць удзел Рыгор Барадулін, Уладзімір Арлоў, Лявон Вольскі, Андрэй Каляда і Аляксей Рагуля. Пра музычнае афармленне падбаюць Павел Аракелян з гурта «The Outsiders», Юрый Дзмітрыеў з «Троіцы» і бард Зміцер Бартосік. Арганізатары абяцаюць здзівіць прысутных адмысловым СЮРПРЫЗАМ!
belsat.eu