З 10 красавіка Нацыянальны цэнтр маркетынгу і кан’юнктуры цэнаў пачаў ставіць апастыль і атрымаў права ажыццяўляць консульскую легалізацыю дакументаў, заўважыў Reform.by.
Апастыль. Крыніца: russisch-belarusisch.de
Цэнтр будзе ставіць апастыль на наступных дакументах:
- пасведчаннях і даведках органаў ЗАГСу;
- выпісках з адзінага дзяржаўнага банку звестак аб правапарушэннях, якія выдаюцца органамі ўнутраных справаў;
- даведках аб стане здароўя і выпісках з медычных дакументаў, якія выдаюцца ўстановамі аховы здароўя;
- выпісках з Адзінага дзяржаўнага рэгістру юрыдычных асобаў і індывідуальных прадпрымальнікаў, якія выдаюцца Міністэрствам юстыцыі;
- іншых відах дакументаў, магчымасць апастылю для якіх вызначаецца пры разглядзе дакументаў.
У сувязі з вялікай колькасцю зваротаў дакументы прымаюцца штодня, але па папярэднім запісе.
Алена Рувіна belsat.eu
