Моцны землятрус у Турцыі і Сірыі, закрыццё Польшчаю пункту пропуску. Галоўныя здымкі тыдня

Акцыя салідарнасці з палітзняволеным журналістам і актывістам Саюзу палякаў Анджэем Пачобутам, асуджаным на 8 гадоў калоніі ўзмоцненага рэжыму. Гданьск, Польшча.

Дзясяткі актывістаў прафзвязу падпалілі дарогу перад нафтаперапрацоўчым заводам «Total Energies» падчас акцыі пратэсту супраць пенсійнай рэформы. Донж (Donges), Францыя.

Лясны пажар набліжаецца да гораду Дычата (Dichato). У паўднёва-цэнтральных рэгіёнах Чылі аб’явілі каменданцкую гадзіну, бо ўжо больш за тыдзень там бушуюць лясныя пажары. За гэты час загінулі мінімум 24 чалавекі. Дычата, Чылі.

Людзі збіраюцца ля вогнішча перад абваленымі будынкамі ў горадзе Кахраманмараш (Kahramanmaras) пасля землятрусу магнітудай 7,8, які 6 лютага скалануў памежны рэгіён Турцыі і Сірыі. У краіне ўведзенае надзвычайнае становішча і сямідзённая жалоба. Прэзідэнт Рэджэп Эрдаган заявіў, што гэта самае магутнае землетрасенне ў краіне з 1939 года. Кахраманмараш, Турцыя. Фота Adem Altan / AFP / East News

Мужчыны кідаюць смецце ў кодаўб грузавіка ля ракі Бурыганга (Buriganga), адной з самых забруджаных рэк у свеце. У горадзе Дака (Dhaka) пераважна жанчыны і дзеці сартуюць другасную сыравіну, атрымліваючы менш за 3 еўры за дзень. Людзі жывуць ва ўмовах крайняй галечы і без доступу да асноўных медычных паслуг. Дака, Бангладэш.

Мэсут Хансэр трымае за руку сваю 15-гадовую дачку Ірмак, якая загінула ў выніку моцнага землятрусу ў горадзе Кахраманмараш (Kahramanmaras), які адбыўся на паўднёвым усходзе Турцыі.

Мужчына з роварам стаіць на памежным пераходзе «Баброўнікі» да яго закрыцця. 10 лютага Польшча закрыла адзін з двух пунктаў пропуску на польска-беларускай мяжы з «меркаванняў нацыянальнай бяспекі». Прэм’ер-міністр Польшчы Матэўш Маравецкі пацвердзіў, што рашэнне ў тым ліку звязанае з выракам Анджэю Пачобуту. Актывіста Саюзу палякаў асудзілі на 8 гадоў пазбаўлення волі. З шасці пунктаў пропуску на мяжы Беларусі і Польшчы чатыры не працуюць. Баброўнікі, Польшча.

Знішчаныя жылыя дамы пасля землятрусу магнітудай 7,8 у правінцыі Хатай (Hatay), Турцыя.

Украінскія вайскоўцы артылерыйскага падраздзялення 80-й дэсантна-штурмавой брыгады стаяць пад Бахмутам, Украіна.

Жыхары шукаюць ахвяраў і тых, хто выжыў сярод руінаў абваленых будынкаў пасля землятрусу магнітудаю 7,8. Паводле апошніх звестак у выніку магутнага землятрусу, які адбыўся на паўднёвым усходзе Турцыі і ў паўночнай частцы Сірыі, агульная колькасць загінулых перавысіла 24 тысячы чалавек. Ідліб, Сірыя.

У чарговы месячнік памяці Смаленскай катастрофы дэлегацыя палітыкаў партыі «Закон і справядлівасць» на чале са старшынём партыі Ярославам Качыньскім усклала вянкі ахвярам трагедыі. 10 красавіка 2010 года пад Смаленскам разбіўся самалёт Ту-154М. Усе 96 чалавек, якія былі на борце, загінулі, у тым ліку прэзідэнт Польшчы Лех Качыньскі і ягоная жонка. Варшава, Польшча.

«Цвіценне» цыянабактэрый (Cyanobacteria), таксама вядомых як сіне-зялёныя водарасці, ля рыбацкага клубу на ўзбярэжжы ракі Рыё-дэ-ля-Плята (Río de la Plata). Цыянабактэрыі –  мікраарганізмы, якія ўдзельнічаюць у фотасінтэзе і вырабляюць кісларод у працэсе сваёй жыццядзейнасці, важны кампанент многіх экасістэмаў. Буэнас-Айрэс (Buenos Aires), Аргентына.

Васьміног чапляецца за дайвера падчас апускання ў перавале Браўнінг (Browning) вострава Ванкувэр, Канада.