Паводле інфармацыі ПЦ «Вясна», суд Івацэвіцкага раёну 15 студзеня разгледзіць пытанне па замене палітвязню Рыгору Кастусёву рэжыму ўтрымання.
Лідар партыі БНФ Рыгор Кастусёў.
Фота: TUT.BY
Па рашэнні суддзі Сяргея Кухацкавальца, старшыню зліквідаванай уладамі Партыі БНФ могуць перавесці на турэмны рэжым.
Кастусёў мае сур’ёзныя праблемы са здароўем – у яго выявілі анкалагічнае захворванне.
Нагадаем, у верасні 2022 году Менскі абласны суд прыгаварыў Рыгора Кастусёва да 10 гадоў пазбаўлення волі нібыта «за спробу дзяржаўнага перавароту з мэтай звяржэння ўлады неканстытуцыйным шляхам». Палітык віну не прызнаў.
У снежні палітвязня этапавалі ў ПК № 22, дзе ён знаходзіцца і цяпер. Сваякі Кастусёва раней заяўлялі, што ў калоніі ён «праводзіць шмат часу ў штрафным ізалятары».
Hавiны
Палітвязня Рыгора Кастусёва шмат часу трымаюць у ШІЗА
2023.09.12 10:52
Глеб Нержын belsat.eu
