Сёння ў Менску ўзгадваюць ахвяраў сталінскіх рэпрэсіяў. Прапаноўваем вашай увазе он-лайн-рэпартаж з відэазлучэннямі з месца правядзення акцыі.
13:45
Удзельнікі акцыі ўсклалі кветкі ды запалілі знічы ў Лошыцкім яры. Акцыя скончылася.
13:15
{movie}Валерый Буйвал зачытвае зварот Пазняка|left|7307{/movie}Што за акцыя без сваркі? Валерый Буйвал зачытаў зварот Зянона Пазняка, у якім лідар КХП – БНФ называе гісторыка Ігара Кузняцова «падпалкоўнікам», які ладзіць «экскурсіі ілжы для замежнікаў і дыпламатаў» з мэтаю «фальсіфікацыі Курапатаў і польскай нацыянальнай памяці, з мэтаю выклікаць непаразуменні паміж беларусамі і палякамі».
13:06
Удзельнікі акцыі дайшлі да Лошыцкага яру. Пачынаюцца першыя прамовы.
12:57
Людзі скандуюць «Жыве Беларусь!», чуваць таксама жалобныя і патрыятычныя песні. Шмат хто ўзяў з сабою кветкі і свечкі.
12:42
Міліцыянты ў цывільным ідуць па баках калоны, некаторыя з іх здымаюць шэсце і твары ўдзельнікаў акцыі на камеры.
12:32
Рушыла шэсце. Акцыя сабрала некалькі дзясяткаў чалавек, шмат хто мае бел-чырвона-белыя сцягі.
12:20
Сабраліся некалькі дзясяткаў чалавек. Ёсць і міліцыянты, у цывільным ды ў форме, большасць сядзіць у машынах ды назірае за зборам удзельнікаў акцыі.
12:15
«Менавіта ў Лошыцкім яры былі расстраляныя прадстаўнікі беларускай эліты, пісьменнікі», – гаворыць намеснік старшыні КХП – БНФ Юрый Беленькі.
{movie}Юрый Беленькі пра растрэлы ў Лошыкім яры|left|7306{/movie}
«Пасля таго як Зянон Пазняк адкрыў Курапаты і прайшла інфармацыя ў прэсе, што ёсць падобнае месца ў Лошыцы, імгненна ўлады прыгналі вялікую колькасць МАЗаў з зямлёй, і яр быў проста засыпаны. На яго месцы зрабілі гаражы», – гаворыць Юрый Беленькі.
12:00
Пачынаюць збірацца ўдзельнікі акцыі.
Лошыцкі яр – адно з дзевяці месцаў у сталіцы, дзе ў 1930–1940-я гг. органы НКВД расстрэльвалі бязвінных людзей. Кансерватыўна-хрысціянская партыя БНФ атрымала дазвол на шэсце і мітынг у Лошыцкім яры, прысвечаныя дню памінання продкаў «Дзяды».
Колькасць удзельнікаў акцыі – да 500 чалавек.
На месцы пакарання і пахавання ахвяраў сталінізму ў Лошыцкім яры ў 1995 г. з ініцыятывы БНФ «Адраджэнне» і таварыства «Мартыралог Беларусі», якое існуе пры Таварыстве беларускай мовы імя Францішка Скарыны, паставілі драўляны крыж вышынёю 5 м паводле праекту мастака Міколы Купавы. На папярочцы крыжа тэкст: «Ахвярам бальшавіцкага тэрору».
Просмотреть Шэсьце ў Лошыцкі Яр. 4 лістапада 2012 на карте большего размера
Мапа dziady2012.org
belsat.eu