Міністр абароны ЗША Лойд Осцін заявіў, што ўкраінскія ўдары па расейскім нафтаперапрацоўчым заводам могуць паўплываць на сусветныя энергетычныя рынкі, і заклікаў афіцыйны Кіеў замест гэтага засяродзіцца на вайсковых цэлях. Пра гэта піша «Bloomberg».
Украіна пры дапамозе беспілотнікаў чыніць рэгулярныя атакі на НПЗ у Расеі, каб скараціць пастаўкі паліва для расейскіх вайскоўцаў і абмежаваць даходы Масквы ад экспарту. Украінскія ўдары ацэньваюцца экспертамі як вельмі эфектыўнымі, яны наносяць значную шкоду нафтаперапрацоўчым магутнасцям.
«Гэтыя атакі могуць мець непасрэдны эфект з пункту гледжання глабальнай энергетычнай сітуацыі», – сказаў Осцін камітэту Сената па справах узброеных сілаў.
Паводле міністра, Украіне лепш засяродзіцца на знішчэнні тактычных і аператыўных цэляў, якія могуць паўплываць непасрэдна на баявыя дзеянні.
ЗША ўпершыню публічна выказалі незадаволенасць атакамі на расейскія НПЗ. Раней пра гэту пазіцыю Белага дому на гэты конт было вядома толькі з публікацыяў заходніх медыяў і заяваў прэзідэнта Украіны Уладзімір Зяленскі. «Рэакцыя ЗША на гэта не была станоўчай», – падкрэсліў ён у інтэрв’ю The Washington Post, дадаўшы, што Вашынгтон не можа абмяжоўваць Украіну ў выкарыстанні ўласнай зброі.
Цяперашнія выказванні Осціна былі раскрытыкаваныя сенатарам-рэспубліканцам Томам Коттанам які абвінаваціў Белы дом у ён перашкаджае эфектыўным дзеянням Украіны з палітычных прычынаў.
«Думаю, што адміністрацыя Байдэна не хоча, каб кошты на газ падвышаліся ў год выбараў», – зазначыў ён.
«Bloomberg» звяртае ўвагу на тое, што адміністрацыя Джо Байдэна прысвячае шмат увагі барацьбе з інфляцыяй, у тым ліку цэны на бензін для амерыканскіх спажыўцоў.
Глеб Нержын belsat.eu