У судзе Цэнтральнага раёну Менску распавялі агенцтву «Минск-Новости», якія правапарушэнні і злачынствы здзяйсняліся ў 2023 годзе на вуліцы Зыбіцкай.
Паводле суддзі Дзмітрыя Карсюка, у суд паступае мноства справаў аб грубых адміністратыўных правапарушэннях, учыненых на вуліцы Зыбіцкай. Асобна ён вылучыў справы з палітычнай падаплёкай.
«У тым ліку каля 10 справаў – аб парушэнні ўстаноўленага парадку правядзення масавых мерапрыемстваў, калі адпачывальнікі без атрымання прадугледжанага законам дазволу праводзілі адзіночныя пікеты, выкрыкваючы лозунгі пратэставага характару», – паведаміў Карсюк.
Паводле яго слоў, за інцыдэнты на Зыбіцкай правапарушальнікі каралі штрафам або арыштам тэрмінам на 15 сутак.
Вуліца Зыбіцкая – папулярнае ў Менску месцу адпачынку, дзе сканцэнтравана шмат бараў і кавярняў.
Глеб Нержын belsat.eu