Ад вывяржэння вулкану ў Ісландыі да запуску ракеты ў космас. Галоўныя падзеі свету ў здымках

Запуск ракеты з вайсковымі спадарожнікамі ў космас, пажары ў Босніі і Герцагавіне, абвальванне складу са збожжам у Ліване, гадавіна Варшаўскага паўстання 1944 года ў Польшчы, абавязковая эвакуацыя насельніцтва Данецкай вобласці Украіны і візіт спікеркі Палаты прадстаўнікоў ЗША Нэнсі Пэлоўсі на Тайвань. Сабралі асноўныя падзеі тыдня ў фотаздымках.

Людзі назіраюць за вывяржэннем вулкану ў даліне Мэрадалір (Meradalir) на паўвостраве Рэйк’янэс (Reykjanes). Шмат якія мясцовыя і замежныя турысты ідуць па паўтары гадзіны, каб убачыць лаву зблізку. Рэйк’янэс, Ісландыя.

Фота: Ernir Eyjolfsson / Anadolu Agency / abacapress.com

Амерыканская кампанія «United Launch Alliance» (ULA) запусціла шостую і апошнюю ракету-носьбіт «Atlas V» з двума спадарожнікамі на геастацыйную арбіту (ГСА) з мысу Канавэрал (Canaveral), Флорыда, ЗША.

Фота: Alex G Perez / AGPfoto / Sipa USA / East News

Баснійскія пажарнікі-добраахвотнікі змагаюцца супраць пажару каля гораду Нэўм (Neum) на ўзбярэжжы Адрыятыкі, Боснія і Герцагавіна.

Фота: Elvis Barukcic / AFP / East News

Амерыканская баскетбалістка Брытні Грайнэр, якую затрымалі ў маскоўскім аэрапорце «Шарамецьева» і пазней абвінавацілі ў незаконным захоўванні наркотыкаў, на судзе ў Хімках. Дзяўчына атрымала 9 гадоў калоніі ды штраф 1 мільён расейскіх рублёў. Хімкі, Расея.

Фота: Kirill Kudryavtsev / AFP / East News

Акцыя памяці загінулых украінскіх ваеннапалонных у Аленаўцы (Данецкая вобласць). У выніку абстрэлу загінулі больш за 50 чалавек. Кіеў, Украіна.

Фота: Kaniuka RuslanUkrinform / ddp images / Forum

Турыст плавае ў прыродным басейне, які атрымаў назву Джоля (Giola), побач з морам на востраве Тасас (Thasos), Грэцыя.

Фота: Yiannis Kourtoglou / Reuters / Forum

У порце Бэйруту абрынулася сховішча са збожжам, якое да гэтага пацярпела ад пажару праз спекату. А ў 2020 годзе на складзе адбыўся магутны выбух аміячнай салетры, у выніку якога загінулі больш за 200 чалавек. Бэйрут, Ліван.

Фота: Ibrahim Amro / AFP / East News

Людзі садзяцца ў эвакуацыйны цягнік з Пакроўску да Дняпра. Некалькі дзён таму ў Данецкай вобласці пачалася абавязковая эвакуацыя цывільнага насельніцтва. Пакроўск, Данецкая вобласць, Украіна.

Фота: Alkis Konstantinidis / Reuters / Forum

Дым падымаецца над складам інтэрнэт-крамы «Ozon» у Маскоўскай вобласці, Расея.

Фота: Alexander Zemlianichenko / East News

Акцыя да 78-й гадавіны Варшаўскага паўстання. 5 жніўня 1944 года паўстанцы вызвалілі апошніх вязняў нацысцкага канцлагеру – 348 габрэяў. Варшава, Польшча.

Фота: Andrzej Hulimka / Forum

Візіт спікеркі Палаты прадстаўнікоў ЗША Нэнсі Пэлоўсі на Тайвань.

Фота: Chien Chih-Hung / Taiwan President / Zuma Press / Forum

У Турцыі вяляць памідоры паводле старадаўняга рэцэпту: пасыпаюць соллю і пакідаюць сушыцца на сонцы. Дыярбакыр (Diyarbakir), Турцыя.

Фота: Ahmet Kaplan / Anadolu Agency / abacapress.com

Спадарыня Марыя, якая перажыла Другую сусветную вайну, у свае 92 гады вымушаная хавацца ў склепе раёну Паўночная Салтаўка, які штодня абстрэльваецца з боку Расеі. Харкаў, Украіна.

Фота: Nacho Doce / Reuters / Forum

Цалкам гісторыю жанчыны пра будні падчас вайны глядзіце тут.

Людзі адпачываюць у спякотны дзень на пляжы ў Гдыні, Польшча.

Фота: Przemek Swiderski / Reporter

Высакародны алень п’е з амаль высахлай сажалкі сярод засушлівага Рычмандскага парку. Лондан, Вялікая Брытанія.

Фота: Story Picture Agency / Shutterstock / East News

Агата Квяткоўская belsat.eu