Літоўская паліцыі вядома пра два выпадкі, калі беларусы, якія жывуць у Вільні, атрымлівалі пагрозы ў Telegram. Пра гэта выданню Zerkalo паведамілі ў прэс-службе Галоўнага камісарыяту паліцыі Віленскага павету.
Там адзначылі, што ў адным з выпадкаў заяўніца адмовілася пачынаць расследаванне.
«У сувязі з гэтым здарэннем афіцэры ўдакладняюць абставіны падзеі і збіраюць матэрыялы ў адпаведнасці з ч. 1 арт. 145 Крымінальнага кодэксу Літвы («Пагроза забойствам або прычыненнем цяжкай шкоды здароўю або тэрарызаванне чалавека»), – паведамілі ў паліцыі.
Згаданы артыкул прадугледжвае да двух гадоў пазбаўлення волі.
Нагадаем, што некаторыя беларусы, якія пераехалі ў Вільню пасля 2020 года, сталі атрымліваць ананімныя паведамленні з пагрозамі забойствам. У частцы паведамленняў людзей заклікаюць пакінуць Літву.
Тэксты паведамленняў па-літоўску былі напісаныя з памылкамі, таму ёсць падазрэнне, што гэта правакацыя з боку беларускіх спецслужбаў.
Якуб Хруст belsat.eu