Агнешка Рамашэўская-Гузы падала першы пазоў супраць тэлекампаніі TVP пасля звальнення з пасады дырэктаркі тэлеканалу «Белсат».
«Не мусіць быць так, што пасля 32 гадоў працы чалавека выкідаюць, як смецце, – напісала яна на сваёй Facebook-старонцы. – Тым больш не мусіць быць так, што без асаблівай нагоды, пад канец прафесійнай кар’еры, адбіраюць праект, які быў для чалавека больш, чым працай, і якому ён прысвяціў 18 гадоў свайго жыцця».
Паводле ейных словаў, яшчэ адзін пазоў яна падасць наступным тыднем.
Таксама яна паведаміла пра адкрыццё дабрачыннага збору – сабраныя грошы пойдуць на аплату паслуг адвакатаў у судах.
Агнешка Рамашэўская-Гузы кіравала «Белсатам» амаль 18 гадоў – з часу яго стварэння. 12 сакавіка стала вядома, што «Белсат» узначаліць Аляксей Дзікавіцкі.
Ася Саковіч belsat.eu
