справа БелТА

Сёння спаўняецца год са дня смерці заснавальніка першага незалежнага інфармацыйнага агенцтва БелаПАН Алеся Ліпая. Паэт і журналіст сышоў заўчасна з жыцця ва ўзросце 53 гадоў.

Зноў Расея, а дакладней – «русский мир», які пашырае свой уплыў у Беларусі. Дырэктар недзяржаўнага цэнтру «Іст» (EAST) Андрэй Елісееў апублікаваў аналіз расейскай прапаганды ў нашай краіне за апошні час. З 2016 года колькасць актыўных сайтаў, якія рэгулярна размяшчаюць публікацыі пра Беларусь з дэзынфармацыяй, павялічылася ажно да сарака.

Да гэткай высновы прыйшоў даследчы цэнтр «EAST». Паводле расследавання, у нашае краіне паўстала цэлая сетка адмысловых прарасейскіх сайтаў. Якую мэту яны пераследуюць? Высвятляў Аляксандр Папко.

Прадстаўнік АБСЕ ў пытаннях свабоды медыяў Арлем Дэзір ужо неаднаразова выказваўся аб становішчы незалежных медыяў у нашай краіне. Але ці атрымаецца ў яго данесці сваё меркаванне да ўладаў Беларусі на фоне ўзмоцненага кантролю ў айчынным інфармацыйным полі?

У Менску агучылі вырак па гэтак званай «справе БелТА». Якое рашэнне прыняў суд Завадскога раёну, і што гэта значыць як для самой Марыны Золатавай, гэтак і для ўсіх беларускіх медыяў агулам – у матэрыяле Змітра Міцкевіча.

1000 базавых велічынь ці больш за 25 тысяч рублёў штрафу запрасіла абвінавачванне для галоўнай рэдактаркі Tut.by Марыны Золатавай за «бяздзеянне службовай асобы». Праз тыдзень суд вынесе вырак і такім чынам паставіць кропку ў так званай «справе БелТА».

Мы вяртаемся да сённяшняга пачатку судовага працэсу над галоўнай рэдактаркай парталу Tut.by Марынай Золатавай, якая з намі на відэасувязі з Менску.

Пароль доступу сваім кліентам БелТА адпраўляла факсам. Супярэчнасці ў паказаннях сведкаў мусіў прызнаць нават суд. Але пакуль у выніку сённяшняга выступу сведак найбольш цярпіць рэпутацыя БелТА.

Замест перадсвяточных клопатаў – судовыя паседжанні. Адміністратыўны пераслед у дачыненні нашых журналістаў не спыняецца нават напярэдадні Новага года. Сёння за працу без акрэдытацыі судзілі Вольгу Чайчыц і Змітра Міцкевіча.

Напярэдадні стала вядома, што галоўнай рэдактарцы парталу Tut.by Марыне Золатавай выставілі абвінавачанне па гэтак званай «справе БелТА». Нобелеўская лаўрэатка Святлана Алексіевіч падтрымала абвінавачаных журналістаў.

Несці праўду людзям у Беларусі – небяспечна. Ціск на незалежных журналістаў і рэдактараў узмацняецца. Метады розныя, адзін з іх – «справа БелТА». Следчы камітэт сёння працягвае выстаўляць абвінавачанні фігурантам справы.

Справа БелТА зноў у цэнтры ўвагі журналістаў. Следчы камітэт працягвае выстаўляць абвінавачанні яе фігурантам. Сёння на допыце ў ведамстве была міжнародная аглядальніца кампаніі БелаПАН Тацяна Каравянкова. А ўжо паслязаўтра тут чакаюць рэдактарку агенцтва Ірыну Леўшыну і Паўлюка Быкоўскага.

Следчы камітэт працягвае выстаўляць абвінавачанні па справе БелТА. Журналістаў вінавацяць у несанкцыянаваным доступе да платнай падпіскі дзяржаўнага навінавага агенцтва. Учора абвінавачанні выставілі чатыром журналістам парталу Тут Бай, сумы шкодаў ад паўтары да 7 тысячаў долараў. Сёння з візітам у Камітэце была журналістка агенцтва БелаПАН Таццяна Каравянкова, ёй налічылі шкоду ў дзве з паловай тысячы долараў. Тым часам, Беларуская асацыяцыя журналістаў БАЖ заклікала ўсіх да салідарнасці з фігурантамі справы БелТА, ды распачала кампанію пад назвай «Станем за журналістаў». Прэс-сакратар Беларускай асацыяцыі журналістаў Барыс Гарэцкі на сувязі са Студыяй «Белсату».