мазько

Больш за 300 чалавек прайшліся вуліцамі Берасця з пратэстамі і заклікам «НЕ – заводу!» Берасцейцы бунтуюць ужо год, нягледзячы на рэпрэсіі, правакацыі ўладаў, новыя затрыманні актывістаў, а нават распачатыя крымінальныя справы. Размаўляем з блогерам, журналістам і берасцейскім актывістам Сяргеем Пятрухіным.

Больш за трыста пратэстоўцаў прайшлі сёння праз цэнтр Берасця, каб паказаць нязгоду з будаўніцтвам свінцова-акумулятарнага заводу ля гораду, і з рэпрэсіямі супраць актывістаў. Удзельнікі мірнай акцыі абураныя крымінальнай справай супраць лідараў ініцыятыўнай групы, у якой фігуруюць боепрыпасы і выбухоўка незразумелага паходжання.

Жыхары Берасця рыхтуюцца да ўжо традыцыйнага мірнага пратэсту супраць небяспечнага акумулятарнага заводу. Заўтра, як і штонядзелю, людзі на цэнтральнай плошчы будуць карміць птушак. Рыхтуюцца да пратэсту і сілавікі.

Вобшукі ўчора, а сёння прыйшлі з рэвізіяй у дом. На актыўнага праціўніка акумулятарнага заводу «АйПаўэр» Майсея Мазька завялі крымінальную справу нібыта за захоўванне боепрыпасаў. Мужчына цяпер у ізалятары Ленінскага РАУС Берасця. Абвінавачаны віны не прызнае і кажа – зброю апошні раз трымаў у руках у 1975 годзе.

Працаўнікі ДАІ разам з людзьмі ў цывільным спынілі на шашы пад Берасцем аўтамабіль аднаго з актывістаў змагання супраць будаўніцтва ў ваколіцах гораду кітайскага акумулятарнага заводу. Пры аглядзе аўта Маісея Мазько, як паведамляе праваабарончы цэнтр «Вясна», нібыта быў знойдзены падазроны пакунак. Была выкліканая аператыўная група, а таксама адвакат.