Владимир Некляев написал трогательное стихотворение – обращение к беларуским солдатам
12.04.202222:09
Беларуский поэт Владимир Некляев поделился трогательным стихотворением, адресованным беларуским военным. Бывший кандидат в президенты Беларуси опубликовал свое произведение на своей странице в Facebook. В своем стихотворении Некляев призвал не участвовать в военной агрессии против Украины, а войну назвал – «чужой».
Владимир Некляев. Источник: Kamunikat / Facebook
БЕЛАРУСКІМ САЛДАТАМ
Салдаты! Сыны беларускага краю!
За братаву кроў не вазьміце віну!
Я Богам прашу вас, я вас заклінаю
Малітвамі, што да яго прамаўляю:
Не йдзіце на гэту чужую вайну!
Я кожнага з вас абдымаю, як сына,
Кажу, як сынам, каб запомніць маглі:
Дакуль на зямлі будзе жыць Украіна,
Датуль Беларусь будзе жыць на зямлі!
Я ні да каго варажнечы не маю,
Няхай разам з намі Расія жыве,
Але не такая, што ў брата страляе,
Што сэрца сястры
У грудзях яе
Рве!
Пакайцеся ўсе, хто ў вайне вінаваты!
І, можа, даруе вам Божа віну…
Сыны Беларусі! Жаўнеры! Салдаты!
Не йдзіце на подлую гэту вайну!
У вас ёсць Айчына! Яе бараніце,
Каб злыдні са свету яе не звялі!
Сваёй
За чужое
Крыві не праліце,
Каб поты павек на ўкраінскай зямлі,
Што плача цяпер перапёлкай у жыце,
Вас не ўзненавідзелі, не праклялі!
Каб дома матулі па вас не рыдалі,
І каб не шукалі, дзе вас пахавалі,
Ці проста прысыпалі ў стэпе зямлёй,
Дзе нават магілы няма ў вас сваёй.
Салдаты!..
Сыны беларускага краю!
Малітвамі ўсімі, што ёсць на зямлі,
Я Бога малю, каб усе вы жылі,
І ўсімі малітвамі вас заклінаю:
Не вымыйце рукі
У братняй
Крыві!..
Жыві, Беларусь!
Украіна, жыві!
12.04.2022
