За часты зварот па грашовую дапамогу дзяржава можа адабраць дзяцей

1 лютага набудзе моц пастанова Саўміну № 22, згодна з якой крытэрыяў, якія дазваляюць прызнаваць дзяцей у сацыяльна небяспечным становішчы, зробіцца ўдвая менш. Зараз дзіця змогуць аднесці да гэткага становішча толькі ў трох выпадках:

  • калі бацькі пакідаюць дзіця без ежы або неабходных медыкаментаў;
  • калі бацькі не прыглядаюць за сваймі дзецьмі, а яны здзяйсняюць рознага кшталту правапарушэнні;
  • калі маці ды бацька вядуць амаральны лад жыцця.

Госця «Гарачага каментару» Наталля Янушкевіч з ініцыятывы «Недзіцячая справа» скептычна ставіцца да новага закону.

«Пастанова Савету міністраў не адмяніла Дэкрэту №18, у якім прапісаныя больш шырокія крытэрыі, па якім могуць адабраць дзіця. Таму я б не радавалася. Так, колькасць крытэрыяў звузілася, але з«явілася супярэчнасць з дзейным заканадаўчым актам», – заяўляе Наталля Янушкевіч.

Янушкевіч нагадвае, што з Беларусі дэкрэты вышэйшыя за іншыя пастановаў.

«Таму на сёння актуальнымі застаюцца крытэрыі Дэкрэту № 18», – дадае нашая суразмоўца.

Дэкрэт кіраўніка краіны № 18 прадугледжвае адміністрацыйнае адабранне дзіцяці ў выпадках, калі бацькі вядуць амаральны лад жыцця, ёсць хранічнымі алкаголікамі ці наркаманамі, або «іншым чынам неналежна выконваюць свае абавязкі па выхаванні і ўтрыманню дзяцей».

Апошні пункт, на думку ўдзельнікаў ініцыятывы «Недзіцячая справа», – вельмі слізкі.

Актывісты кажуць, што на практыцы ён прыводзіць да злоўжыванняў з боку чыноўнікаў, якія могуць адабраць дзіця нават за частыя звароты бацькоў па сацыяльную дапамогу.

Глядзі таксама

Больш матэрыялаў

Як зразумець, што СМІ вам хлусяць?

МАЗ ці БелАЗ. Хто раздавіў эканоміку?

Алена Захаранка сустрэлася з удзельнікам забойства бацькі

Замовіў гарбату па-беларуску – выйшаў міжнародны скандал

Леў Марголін: З Лукашэнкам дамаўляюцца толькі тыя, хто завозіць сюды мільёны

Павел Сапелка: Заканадаўства не дазваляе вязням рэалізоўваць свае правы чалавека

Што ўратуе айчынную эканоміку?

Беларускі рубель абваліўся праз нафту

Мікалай Казлоў: Давайце вернем сабе права выбару!