«У падтрымку перабудовы». Такую назву меў мітынг, які адбыўся ў Менску 30 гадоў таму і быў зарганізаваны Беларускім Народным Фронтам. Гэта быў першы палітычны апазіцыйны мітынг, які асуджаў кіраванне камуністычнай партыі ў былым СССР і савецкай Беларусі.
Пра пачатак палітычнага адраджэння нашае краіны Галіна Абакунчык паразмаўляла з тагачасным сябрам сойму Партыі БНФ і ўдзельнікам мітынгу мастаком Міколам Купавам.
– 40 тысячаў чалавек без мабільных, сацыяльных сетак і АМАПу. Усё зарганізавана, і галоўнае – з дазволу ўладаў. Як гэта было магчыма?
У той час гэта было магчыма, таму што мы сябе адчувалі ўжо моцнымі, а ўлады хісталіся. Людзі пайшлі, таму што ніхто маўчаць не мог. Прорва ад той падзеі ёсць, але вынік таксама ёсць.
– Тады прыйшло 40 тысячаў чалавек. Сёння на масавыя акцыі прыходзіць 400. Чаму? Людзі стаміліся? Рэпрэсіі? Ці перамагла беларуская памяркоўнасць?
Тады, калі прыйшлі 30 гадоў назад, – яны свабоды хацелі. Яны больш не хацелі жыць у гэтым бараку. У нас наперадзе не менш значныя падзеі, таму што людзі ўжо больш не могуць без кіслароду жыць. […] Думаю, што святкаванне 101 гадавіны БНР павінна прайсці там (на стадыёне Дынама – рэд.), таму што гэта знаменуе пераемнасць…
Працяг размовы – у сюжэце.