Як бізнес пры Лукашэнку абыходзіць санкцыі. Расследаванне «Белсату»

Адмысловае расследаванне «Белсату» выявіла схемы, пры дапамозе якіх улады Беларусі раздаюць прыбыткі ад дзяржаўнага перапрацоўвання нафты асобам, набліжаным да Лукашэнкі. Колькі грошай яны выводзяць з дзяржаўнага скарбу і на якіх афшорных рахунках захоўваюцца гэтыя багацці? Як спрабуюць абысці санкцыі? Адказы – у праграме «Давайце разбірацца».

Узамен на паступовыя саступкі суверэнітэту Расея прадае Беларусі нафту з істотнаю зніжкай, а Беларусь прадае вырабленыя з яе нафтапрадукты за сусветныя кошты. Гэтыя прыбыткі дазваляюць пакрываць страты дзяржаўнай прамысловасці і не толькі.

«МВФ даследаваў перыяд 2005–2015 гадоў і прыйшоў да высновы, што Беларусь атрымала схаваных і відавочных субсідыяў у нафтагазавай сферы – іншым словам, энергетычнай – на суму $ 106 млрд у эквіваленце», – апавядае Сяргей Жбанаў, экс-дарадца старшыні Нацыянальнага банку РБ.

Беларускі нафтавы афшор як галоўны рухавік беларускай эканамічнай мадэлі запрацаваў у 1999 годзе. Тады, пасля падзення, выкліканага біржавым абвалам у Азіі, сусветныя кошты на нафту пачалі хутка расці. За год яны павялічыліся ўтрая. Адпаведна павялічыліся і расейскія экспартавыя мыты на нафту. Але расейскія нафтавікі не хацелі дзяліцца звышпрыбыткамі з дзяржавай і шукалі спосабу пазбегнуць гэтых выплатаў, у тым ліку праз Беларусь.

«Рынак нафты біржавы. З другога боку, палітызаваны. Бо ў Беларусі нафты няма. Дамоўленасці на палітычным высокім узроўні. Гэта з аднаго боку. З другога – Беларусь купляе нафту па льготных цэнах… У гэтым клубе аматараў атрымаць квоту ўваходзяць пэўныя людзі. Там выпадковых людзей, відавочна, няма. Адпаведна, яны ў ліку тых, каму ўлады давяралі выконваць такія ўгоды», – тлумачыць эканамічны аглядальнік Tut.by Аляксандр Заяц.

Таксама ў праграме «Давайце разбірацца»:

  • Хто яны, нафтабароны з кола Лукашэнкі?
  • Зліў афшорных Панамскіх дакументаў, якія трапілі ў рукі «Белсату» і OCCRP (Цэнтр расследавання карупцыі і арганізаванай злачыннасці).
  • Механізмы абыходу заходніх санкцыяў.

Belsat.eu

Калаж з фота: Sergei Sheleg / TASS / Forum, Viktor Drachev/TASS/Forum

Больш матэрыялаў

Адстаўныя сілавікі падмялі кветкавы бізнес

Дрэваапрацоўчыя прадпрыемствы эфектыўна вырабляюць толькі страты. Эканоміка з Чалым

Атачэнне Лукашэнкі адмывае грошы праз Літву? Расследаванне

Набліжаныя да Лукашэнкі раскрадаюць краіну? Эканоміка з Чалым

Прыхаваны пратэкцыянізм. Эканоміка з Чалым

Паўмільёна долараў каштуе разгон пратэсту?

На парозе валютнага крызісу. Эканоміка з Чалым

Што будзе з беларускім рублём і заробкамі бюджэтнікаў?