Вучыцца самаабароне на трэнінг у Менску прыйшла нават 87-гадовая жанчына

Вольга Ланеўская – адзіная ў Беларусі трэнерка па жаночай самаабароне. Wen Do, што азначае «Дарога жанчын», – гэта метад перадухілення гвалту. Ён вучыць, як больш не пачувацца бяссільнай і бездапаможнаю.

За кароткі час, які метад вядомы ў нашай краіне, Вольга ўжо паспела правесці заняткі з 200 жанчын. Цікава, што самай малодшай наведніцы трэнінгу па жаночай самаабароне было 7 гадоў, а самай старэйшай – 87. Ўэн-До могуць вучыцца абсалютна ўсе, незалежна ад узросту і фізічнай падрыхтоўкі. Праводзяцца такія заняткі бясплатна.

Таксама ў выданні:

Дапамагла свайму сыну перамагчы рак, цяпер падтрымлівае іншых хворых дзетак

Год таму мы расказвалі пра хлопчыка Андрэйку, хворага на рак крыві. Каб назбіраць грошы на лячэнне, ён разам з маці шыў цацачных снегавікоў.

Інфармацыя аб гэтым хутка разышлася ў медыях і інтэрнэце. Ініцыятыву падхапіла шмат людзей. Адныя майстравалі цацкі, а іншыя іх куплялі – такім чынам збіраліся грошы. За кароткі тэрмін удалося сабраць патрэбную суму, і хлопчык перамог хваробу! Але ягоная маці на гэтым не спынілася – яна заснавала дабрачынны рух і цяпер разам з аднадумцамі дапамагае хворым дзеткам.

Беларус вынайшаў прыладу, якая ладуе смартфоны дзякуючы руху рукі

Міхаіл Вага з Гомля распрацаваў партатыўную заладавальную прыладу (падзарадку), якая мае яшчэ і функцыю трэнажора.

Гаджэт пад назваю «hand energy» выклікаў вельмі высокую цікавасць у краінах Заходняй Еўропы. Таму вынаходнік здолеў сабраць праз замежныя краўдфандынгавыя пляцоўкі больш за 70 тысяч еўраў на запуск свайго стартапу.

Больш матэрыялаў

Як «нефарматны» беларус навучыўся быць свабодным

Кандыдат Пётр змагаецца за дэкрыміналізацыю марыхуаны

Беларуска падарожнічае па Азіі з коткаю

У Гомлі ў бізнес-цэнтры «Славія» адбываецца рэйдарскі захоп

Змагаліся за касцёл пры саветах і працягваюць змагацца цяпер

Саджалі дрэвы, даглядалі тэрыторыю? Атрымайце ўшчыльненне!

«Пад крылом» – сістэма хуткага пошуку людзей, якія забылі дарогу дадому

Як гомельскі праваабаронца змагаецца з міліцэйскім самавольствам