На днях нарабіла шуму навіна пра тое, што лекары будуць перадаваць міліцыянтам вынікі гінекалагічных даследаванняў дзяўчат да 16 гадоў. Пра гэта паведаміў прадстаўнік Міністэрства ўнутраных справаў. Ужо сёння віцэ-прэмʼер Ігар Петрышэнка назваў навіну «укідам і беспадстаўнай сенсацыяй» ды запярэчыў гэтае інфармацыі. Але асадак астаўся, не хочацца верыць, што беларускі МУС кідае словы на вецер.
Абмяркуем сітуацыю з хірургам і каардынатарам міжнароднай арганізацыі моладзевай адукацыі Y-Peer Змітром Каралём:
«Ногі ўкіду растуць адтуль, што МУС вельмі заклапацілася сексуальным здароўем, рэпрадукцыйнай функцыяй падлеткаў Беларусі. Яны разлічваюць, што сексуальныя стасункі падлеткаў да 16 гадоў з’яўляюцца супрацьзаконнымі. І таму супрацьзаконныя сексуальныя стасункі можна назваць гвалтам. Праблема існуе не толькі ў Беларусі, але ў Беларусі яна вырашаецца ўжо распрацаваным механізмам, калі падлеткі і не толькі прыходзяць да лекара і кажуць, што адбыўся акт згвалтавання. Калі яны аб гэтым не кажуць – лекары задаюць пытанні. Такім чынам сумесна з лекарам у атмасферы партнёрства і даверу адбываецца дыялог і праблема вырашаецца…»
Працяг размовы – у сюжэце.