Пад Ваўкавыскам каля пасёлка Краснасельскі сярод лясоў і палёў крыецца ўнікальны помнік – дзясяткі, а папраўдзе можа сотні ці тысячы самых старажытных шахтаў Беларусі – па здабычы крэменю.
Старажытныя шахцёры ад 3 тыс. да 1 тыс. гадоў да н.э.не толькі выкопвалі, але і апрацоўвалі здабытую сыравіну, масава выраблялі сякеры, скрабкі, наканечнікі стрэлаў. Рабілі не толькі для сябе, але і для блізкай і далёкай ваколіцы.
Як працаваць з надзвычай вострым на сколах, але вельмі крохкім матэрыялам паказваюць адмыслоўцы-археолагі, аднаўляючы самую старажытную рамесную тэхналогію.
Праграма «Загадкі беларускай гісторыі» выходзіць на «Белсаце» кожны панядзелак а 18:45. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
belsat.eu