«Крама» на сцэне чвэрць стагоддзя, а сам Ігар Варашкевіч яшчэ на 10-годдзе болей. Пры гэтым музыкі знаходзяцца ў выдатнай форме, у чым пераканаемся ў новым выданні аўтарскай праграмы Сяргея Будкіна «Belsat Music Live».
Што трымае іх разам і што натхняе, якія адкрыцці ў сучаснай музыцы яны для сябе зрабілі і ці пужае іх пенсія ды яе памер – дазнаемся з размовы Міры Шульц. Не абыдзецца і без прэм’еры, чакайце трэцюю частку музычнага серыялу пра Стэфку!
Песні, якія прагучаць у праграме:
- «Колькі дарог» (музыка Ігара Варашкевіча, словы Змітра Лукашука);
- «Стэфка праз 30 год» (музыка Ігара Варашкевіча, словы Змітра Лукашука, Ігара Варашкевіча);
- «Падае дождж» (музыка Ігара Варашкевіча, словы Насты Гулак)
