Размова Саджаць на вілы або змяняць сістэму. На што гатовыя маці асуджаных паводле «наркатычных» артыкулаў


Жанчыны, сваякі якіх атрымалі крымінальныя тэрміны паводле «наркатычных» артыкулаў, выходзілі на мітынгі, абвяшчалі галадоўкі, дабіваліся сустрэчы з чыноўнікамі самага высокага рангу, але так і не здолелі стаць сілаю, якая зменіць сістэму.

Пры канцы мінулага года стала вядома, што чаканае змякчэнне антынаркатычнага 328 артыкулу так і не адбудзецца. Законапраект, які б уносіў праўкі ў некаторыя артыкулы Крымінальнага кодэксу, паводле дэпутатаў, выклікае шмат пытанняў. Актывістка грамадскага руху «Наша права», маці асуджанага паводле 328 артыкулу Алена Яцкевіч зазначае, што сёння яна і ейныя паплечніцы, чыя дзеці трапілі пад крымінальны пераслед, не ведаюць, што рабіць.

Тупіковая сітуацыя прывяла і да канфлікту ў шэрагах сваякоў асуджаных.

«У нас з’віліся непаразуменні. «Наша права» больш займаецца законапраектамі, у нас юрысты ў групе. Рух маці 328, ён больш, як вам сказаць… узяць вілы і пайсці з імі на кагосьці. Такія непаразуменні. Мы разышліся, і паразумення, хутчэй за ўсё, не будзе. Магчыма, вядома, але пакуль яго няма», – пры гэтым Алена Яцкевіч адзначае, што зусім не супраць выступленняў і мітынгаў, але важна, каб яны адбываліся згодна з заканадаўствам.

Як падлічылі сваякі зняволеных, паводле «наркатычных» артыкулах сёння асуджана больш за 17 тысячаў чалавек. Пра рэакцыю Міністра ўнутраных справаў на звароты сваякоў асуджаных, дэмаграфічныя праблемы і асабістую барацьбу даведайцеся больш з «Размовы дня» актывісткі грамадскага руху «Наша права» Алены Яцкевіч і Святланы Калінкінай.

Глядзі таксама
Каментары