Белсат Zoom – новая праграма ў інфармацыйным вяшчанні. У цэнтры ўвагі – эпідэмія каронавірусу. Каментары з месца падзеяў. Ацэнкі экспертаў. Мы здабываем інфармацыю там, дзе прымушаюць маўчаць.
Лічбы падаў сам Аляксандр Лукашэнка: афіцыйна ў Беларусі зарэгістравана 18350 выпадкаў каронавіруса. Аднак парад 9 Траўня мае адбыцца. Сусветная арганізацыя аховы здароўя ставіцца да гэтага крытычна. Кіраўнік Беларусі не слухае і запрашае гасцей. Ці паедуць?
А «Белсат Zoom» спраўджвае сітуацыю ў розных рэгіёнах, дзе, як паведамляецца, склалася драматычная сітуацыя. Нашыя журналісты пабывалі ва Ўшачах і Буда-Кашалёве. Што пабачылі і што пачулі ад людзей? Спадар Юрый з Менску распавядзе сваю гісторыю, як ягоную жонку заразілі каронавірусам у сталічнай радзільні.
Аліна Нагорная з Рагачоўскага раёну напісала кліч аб дапамозе: «Маю бабулю забіваюць» у Баранавіцкай лякарні. Што адбылося? Слухаем дзяўчыну. А таксама пытаем студэнтаў сталічнага медуніверсітэту, якім паабяцалі спісаць адпрацоўку за паход на парад, які мае быць нібыта дабравольным.
А мы збіраем любыя факты пра каронавірус і заахвочваем да ўдзелу ў праграме «Белсат» Zoom». Пішыце на наш электронны адрас: BELSAT@GMAIL.COM
На сённяшні эфір запрашае Сяргей Падсасонны.
Калаж з фота: roddoma.by