Горадню называюць Каралеўскім горадам. У 16 стагоддзі кароль польскі і вялікі князь літоўскі Стэфан Баторый заснаваўся ў горадзе над Нёмнам, зрабіўшы Стары Замак асабістай рэзідэнцыяй, і адсюль кіраваў магутнай Рэччу Паспалітай.
Кафедральны касцёл святога Францішка Ксаверыя – візітоўка слаўнай Горадні. Як і найстарэйшая ў Беларусі царква святых Барыса і Глеба, больш вядомая як гарадзенская Каложа. Вуліцы, чырвоныя дахі, Новы і Стары Замкі – апошні памятае яшчэ вялікага князя літоўскага Вітаўта – такое багацце прынесла камера праекту «Беларусь з вышыні птушынага палёту».
