Гарачы каментар Мы ўсе саромеемся сказаць, што нас рабуюць


Стыхійны мітынг прадпрымальнікаў у Гомлі, каля Пяці соцень асобаў сабраліся каля будынку Гомельскага аблвыканкаму, яны скандавалі “Дайце нам працу!”. У Менску ж прайшла акцыя салідарнасці з прадпрымальнікамі, але амаль без удзелу самых прадстаўнікоў дробнага бізнесу. Інтарэсы гандляроў на плошчы Незалежнасці ў Менску сёння бараніла Аб’яднаная грамадзянская партыя на чале з Анатолем Лябедзькам.Агулам на акцыю сабралася некалькі дзясяткаў чалавек. Пікет салідарнасці праходзіў пад лозунгам “Я – ІП”.Падчас акцыі палітык Анатоль Лябедзька заклікаў бізнесоўцаў не баяцца ісці ў палітыку, актыўна пратэставаць ды ўдзельнічаць у будучых парламенцкіх выбарах. Пікет прайшоў без затрыманняў, аднак на некаторых найбольш актыўных удзельнікаў міліцыянты склалі пратаколы, традыцыйна “за парушэнне парадку правядзення масавага мерапрыемства”. Па завяршэнні акцыі, ад імя ўдзельнікаў пікету актывісты перадалі ў Савет Міністраў прапановы, скіраваныя на стварэнне ўмоваў для развіцця сярэдняга і малога бізнесу, а таксама новых рабочых месцаў.Паводле прадпрымальніцы і лідаркі віцебскага прафсаюза іпэшнікаў “Разам” Ірына Яскевіч, “прадпрымальнікі баяцца Плошчаў і сцягаў, жывуць у часах, што іх праблемы нехта вырашыць, але той час ужо мінуў”, заўважае яна.

“Для нас гэта была новая акцыя. Я спадзяюся, што будуць мітынгі, якія арганізуюць самі прадпрымальнікі, і яны будуць больш масавымі. Хопіць ужо прадстаўляць нашыя інтарэсы прафсаюзам і арганізацыям, ёсць у нас людзі, якія ведаюць, што закон № 222 не працуе”.”Усе хто выйшаў, выйшаў да першай праверкі. Людзі паспрабавалі нешта зрабіць, закрыць бізнес, але яны зразумелі, што гэтак яны падвядуць сябе пад штрафы і канфіскаты”.

“Мы усе саромеемся сказаць, што нас грабяць. Усё спадзяемся, што гэта неяк вырашаць”.Больш глядзіце ў відэа вышэй.

Глядзі таксама
Каментары