«Мы прыслухоўваемся да гледача». Аляксей Дзікавіцкі – на 10-ю гадавіну «сухога» эфіру

Аляксей Дзікавіцкі, намеснік дырэктара «Белсату», ацэньвае эвалюцыю каналу цягам апошняй дэкады і распавядае пра планы каналу на будучыню.

Дзень нараджэння «Белсату» – 10 снежня, але першы выпуск «Аб’ектыву» з’явіўся 28 лістапада – у выглядзе гэтак званага сухога эфіру (калі пэўны час новы канал працуе на поўных абаротах, але гледачы не бачыць гэтага ў эфіры).

«Людзі, якія стваралі «Белсат» былі з газет і радыё, але не з тэлебачання, таму было цяжка: як рабіць тэлебачанне – мы вучыліся практычна год, – адзначае Дзікавіцкі. – За апошнія дзесяць гадоў паўстала і развілася тая частка «Белсату», якую можна назваць інфармацыйным тэлебачаннем у жывым эфіры».

Намеснік кіраўніка каналу распавядае пра даследаванне аўдыторыі, якое было зробленае сёлета, і кажа, што гледачы хочуць глядзець больш гістарычных праграмаў.

«Налета ў нас з’явіцца новы фармат гістарычнай праграмы – такога не было нідзе», – абяцае Дзікавіцкі.

Алякскей Дзікавіцкі кажа, што канал працягне працаваць над якасцю і збіраецца ісці ў бок інтэрактыўнага тэлебачання – дзякуючы, між іншага, тэхнічнаму прагрэсу.

«Каб працаваць на месцы падзеяў, ужо не патрэбна шмат цяжкой тэхнікі, мы можам быць у любой кропцы без вялікіх лагістычных высілкаў, – дадае госць студыі. – Тэлебачанне павіннае стварацца не толькі ў студыі: трэба выходзіць і паказваць – што і як».

Поўную размову Таццяны Рэут з Аляксеем Дзікавіцкім глядзіце ў «Гарачым каментары»

Больш матэрыялаў

Уладзімір Няпомняшчых: Міліцыя стала абараняць не народ, а ўладу

Ці гатовая Беларусь да змагання з каронавірусам? Адказваюць эксперты

Андрэй Юркоў: Абсурднасць гэтай сітуацыі нават паўплывала на суддзю

Як зразумець, што СМІ вам хлусяць?

Замовіў гарбату па-беларуску – выйшаў міжнародны скандал

Павел Сапелка: Заканадаўства не дазваляе вязням рэалізоўваць свае правы чалавека

Мікалай Казлоў: Давайце вернем сабе права выбару!

У войска будуць браць з лёгкім парокам сэрца, варыкозам і завялікай вагой цела