Міліцыянт збіў хлопца, які марыць стаць міліцыянтам

Жыхар Ліды Аляксандр Царэвіч пагадзіўся часова выйсці са шпіталю, каб пагутарыць з нашымі карэспандэнтамі. У лякарню ён трапіў пасля сустрэчы з праваахоўнікамі.

А 2:00 уначы 24 лютага хлопец выйшаў з клубу «Маяк» і збіраўся паехаць дамоў. Але не атрымалася… Ён паслізнуўся і паваліўся ў снег, а калі падняўся, побач з ім ужо былі патрульныя міліцыянты. Без тлумачэння прычынаў яны адвялі маладзёна на паркоўку, дзе груба закінулі ў аўтамабіль. Экспертыза выявіла ў крыві Аляксандра 1,53 праміле алкаголю. Паводле пратакола, ён чапляўся да людзей ды парушаў грамадскі парадак.

Але падпісваць гэткі дакумент хлопец адмовіўся. І тады міліцыянты пачалі жорстка збіваць маладзёна. Пасля аднаго з удараў Аляксандр страціў прытомнасць. Калі ачуняў, побач ужо быў доктар брыгады хуткае дапамогі, які канстатаваў стабільны стан затрыманага. Яшчэ праз некаторы час маладзёна адпусцілі. Дарэчы, пратакола ён гэтак і не падпісаў.

Пасля выхаду з лякарні Аляксандр Царэвіч будзе намагацца давесці, што працаўнікі МУС паводзілі сябе незаконна.

Іншыя тэмы праграмы «Маю права»:

  • Мінакі — пра перавышэнне службовых паўнамоцтваў сілавікамі.
  • Слаба відушчых Менску могуць пазбавіць адзінае пляцоўкі для адпачынку.
  • Жыхары менскага раёну супрацьстаяць з’яўленню хімічнае лабараторыі.
  • Менчукі ствараюць для сваіх дзяцей беларускамоўнае асяроддзе.

Глядзіце праграму «Маю права» цалкам:

Больш матэрыялаў

Улады пужаюць беларусаў тэрактамі

Палітзняволеным пагражаюць смерцю?

Мастацтва як нацыянальная тэрапія. Вольга Якубоўская сваімі карцінкамі з коцікамі лечыць людзей

«Жыццё мацнейшае. Жыве Беларусь!» Як жыхары ЖК «Магістр» апынуліся ў «гета»

Дом з БЧБ-плотам размалявалі свастыкамі. Уласнікі падазраюць сілавікоў

Беларус прыехаў дадому з Брытаніі, яго затрымалі, палічылі шпіёнам ды моцна збілі

Дзяўчыну збілі пры затрыманні, а цяпер пагражаюць гвалтам

Студэнтку запрасілі на размову ў інстытут, а пасля гэтага напалі незнаёмцы і нацягнулі на галаву чорны мех