Літоўскі змрок: Шляпікаса выдалі па-беларуску

[vc_row][vc_column][vc_video link=”https://www.youtube.com/watch?v=UPMYHY06sa0″][vc_column_text]Літоўская проза з беларускім смакам: у Менск прыехаў паэт, рэжысёр і пісьменнік Альвідас Шляпікас. Раней ягоныя творы можна было прачытаць толькі на расейскай мове, але цяпер, дзякуючы «Логвінаву», героі яго змрочна-казачных навелаў загаварылі і па-беларуску.

Аматар містычнага рэалізму і метафізічных жахаў, Альвідас сцвярджае, што як такой мяжы паміж беларускай і літоўскай рэчаіснасцю няма. Таму ў кожным герою беларусы проста могуць пазнаць сябе і ў пэўны момант не зразумець, пра якую краіну піша аўтар – Беларусь ці Літву? Распавядае пісьменнік Альвідас Шляпікас: «Мне заўсёды цікава пісаць пра тую рэчаіснасць, якая ёсць побач з нашаю рэчаіснасцю, у кожным аповедзе нейкая таямніца, і кожны чытач можа яе сам разгадаць, сам зразумець».

Альвідаса Шляпікаса добра ведаюць і па-за межамі Літвы: ягоныя раманы ды вершы перакладаюцца на ўкраінскую і польскую мовы, па-беларуску выйшаў зборнік навелаў «Бог дажджу» – дзеянне адбываецца ў маленькім літоўскім гарадку напрыканцы 90-ых, кажа рэдактар кнігі Ціхан Чарнякевіч: «Тут ёсць адлюстраванне літоўскай правінцыі, якой мы абсалютна не ведаем. Шастаючы па Вільні, аўтар яе выдатна ведае ўсю, цемру гэтую непраглядную».

З-за моўнага бар’еру літоўскіх перакладаў на палічках беларускіх кнігарняў няшмат, таму выхад «Бога дажджу» – сапраўдная падзея. Набыць зборнік можна ўжо цяпер у кнігарні «Логвінаў».

Таксама ў выданні:

  • Ці адчыніцца музей Алеся Адамовіча ў аптэцы ў Глушы?
  • Беларускія валанцёры – і іхны Дзень;
  • Андрэй Курэйчык прэзентуе навагоднюю камедыю.

Настасся Храловіч, Вольга Гардзейчык

Тэгі:

Больш матэрыялаў

Першы фестываль традыцыйнай музыкі «Rajok» на Карла Маркса ў Менску

Упершыню ў Менску – трыенале маладых мастакоў

15 невядомых песень Мулявіна аднавілі дзякуючы аднаму аўдыязапісу

«Народны альбом: Ненаўмысны шэдэўр» на фестывалі «Лістапад»

Прэмʼера фільму пра НКУС і Курапаты адбудзецца 16 верасня ў сталічным кінатэатры «Масква»

«Я звязаны з Вялікім княствам Літоўскім». Гісторык моды Аляксандра Васільеў – на выставе ў Менску

Захар Кудзін прапануе Менску альтэрнатыўныя помнікі

«Яго цікава маляваць». У Віцебску з’явіўся партрэт Быкава