Бізнес на паслугах для дзяцей. Як эканоміць на камуналцы. Як пакараць аўтавандала

Як стварыць бізнес на паслугах для дзяцей

І ў прыбытковыя часы, і ў крызіс бацькі хочуць даць дзецям усе самае лепшае. Як выкарыстаць гэта для свайго бізнесу, распавядаем у праграме «Асабісты капітал».Наталля Лебедзева разам з мужам стварыла анлайн-краму для дзяцей «Дзед-Дабрэй». Сужэнцы ўжо ўклалі каля $60 тыс. і спадзяюцца, што калі праект стане папулярным прынясе сотні тысячаў долараў прыбытку.Наталля Папко кіруе забаўляльным цэнтрам – у будні яго наведвае каля двухсот чалавек, у выходныя – удвая больш. Каб стымуляваць наведнікаў цягам працоўнага тыдня, Наталля і ейная каманда распаўсюджваюць купоны са зніжкаю да 50 %, якія дзейнічаюць з панядзелка да пятніцы.

Нетыповыя метады эканоміі на жыллёва-камунальных паслугах

Плаціць за камуналку можна ўдвая менш, але часам вы нават не здагадваецеся, на чым можна эканоміць. Напрыклад, для змыву ў прыбіральні не кожны раз патрэбны поўны бачок. Калі пакласці ў яго пластыкавую бутэльку з вадою, ён будзе запаўняцца не цалкам, ашчаджаючы ваш бюджэт. А мыць посуд замест Fairy лепей содаю: яна лягчэй змываецца, і лічыльнік, зноў жа, намотвае меней.Ашчадзіць можна і атрымаўшы кампенсацыю за няякасна аказаныя паслугі. Напрыклад, калі ўзімку ў вашай кватэры занадта халодна, вы можаце патрабаваць пераразліку за ацяпленне. Пра іншыя метады эканоміі глядзіце ў сюжэце праграмы «Асабісты капітал».

Падрапалі аўта на паркоўцы – ці ёсць шанцы на кампенсацыю?

Аўта спадара Сяргея хуліган падрапаў цвіком, а ў дадатак зламаў шчоткі на лабавым шкле. Драпіна на аўта праходзіць праз усю бакавіну, рамонт абыдзецца Сяргею мінімум у $ 500.Такія гісторыі ў Менску нярэдкія. У часы, калі суседзі не ведаюць адзін аднаго, а камеры назірання яшчэ не набылі папулярнасці, знайсці злодзея амаль немагчыма. Як абараніць свае аўта ад дробных злачынцаў або як кампенсаваць страты ў выпадку дробных пашкоджанняў, ці варта набываць страхоўку, як сучасныя тэхналогіі могуць дапамагчы ўладальніку аўта – глядзіце ў праграме «Асабісты капітал».

Больш матэрыялаў

У Беларусі патрэбны цэнтр для крызісных сітуацыяў

«Беларусь паступова ператворыцца ў Прыднястроўе». Што выратуе эканоміку?

Колькі плацяць беларусы за міліцэйскі гвалт?


Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах