Беларус выйшаў на пенсію і купіў лес у Польшчы

Віктар Стахвюк за жыццё пераспрабаваў шмат розных заняткаў. Цяпер ён гаспадарыць ва ўласным лесе на Падляшшы, ля вёскі Трасцянка.

Віктар Стахвюк – гаспадар, пісьменнік і мастак, селянін і інтэлігент, настаўнік і прадпрымальнік, інжынер і філолаг. Ён выехаў з роднай вёскі па навуку, і толькі калі прапрацаваў 15 гадоў у педінстытуце ў Чэнстахове (Польшча), пастанавіў кінуць усё і вярнуцца ў родныя мясціны. Тут гэты энергічны чалавек стварыў адна па адной некалькі фірмаў ды заснаваў радыё «Рацыя» ў Беластоку.

Цяпер ён на пенсіі ды прысвяціў сябе працы ва ўласным маёнтку, дзе ёсць і палі, і лясы (так, у Польшчы прыватная асоба можа валодаць лесам).

У свае 72 гады ён у цудоўнай форме:

«Працую, падымаю, кашу, важу і дай Божа».

Яшчэ ён піша вершы і ладзіць літаратурныя сустрэчы – пікнікі роднага паэтычнага слова, дзе пісьменнікі чытаюць для публікі сваю паэзію.

Ён пакажа свой маёнтак, раскажа пра сваё бурлівае жыццё і родную Трасцянку, што славіцца драўлянай архітэктурай і асабліва сваймі аканіцамі. Акрамя таго, пачытае свае вершы, напісаныя на падляскай мове. Усё гэта – у першым сюжэце чарговага выдання праграмы «Беларускі свет».

ІНШЫЯ ТЭМЫ ПРАГРАМЫ:

  • Ігар Анісенка, галоўны мастак Адэскага нацыянальнага акадэмічнага тэатру оперы і балету, адной з галоўных славутасцяў Усходняй Еўропы, правядзе па закуліссі ды распавядзе, з чаго складаецца праца мастака і што самае галоўнае ў ягонай прафесіі.
  • Тамара Шатырышвілі і Аляксей Мінчукоў – тату-мастакі, якія прыехалі працаваць у сусветна вядомы тату-салон у Барсэлоне. Пара раскажа пра кватэрнае пытанне, куды выходзіць акно іхнага пакою і чаму барсэлонцы такія шчаслівыя.

Праграма «Беларускі свет» выходзіць на «Белсаце» па аўторках а 19:05. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.

Больш матэрыялаў

Збірала подпісы за Бабарыку? Будзеш сядзець

Дэпутаты наведалі ў шпіталі дзяўчыну, раненую трыма кулямі і гранатай

Міліцыянты разбілі вокны і стрэлілі ў салон буса

Опер быў у шоку, даў вады і выклікаў хуткую

Затрыманых развесілі ў калідоры, як рыбу для сушкі

«Я быў за радыкальныя крокі»

Арт-выстава беларускага супраціву «Кожны дзень»

Падводзілі пад крымінальны артыкул за працу журналісткай