Гарачы каментар Беларусь на трэцім месцы па колькасці новых выпадкаў захворвання ВІЧ


Беларусь патрапіла на трэці радок па колькасці новых выпадкаў захворвання ВІЧ (вірусам імунадэфіцыту чалавека). Вышэйшыя тэмпы захворвання толькі ва Украіне і Расеі. Там тэмпы захворвання амаль утрая вышэйшыя, чым у Беларусі, і ўдвая вышэйшыя, чым ва Украіне.

На сувязі з намі з Менску Яўгеній Спевак, які кансультуе нарказалежных і ВІЧ-пазітыўных асобаў у Цэнтрах сацыяльнага суправаджэння. Спадар Яўгеній, Вы маеце нейкі адказ на тое, чаму менавіта наш рэгіён – Расея, Украіна і Беларусь – апынуўся ў гэтых сумных лідарах сярод 50 Еўрапейскіх краінаў?

«Дзяржава выбрала дастаткова правільны шлях да таго, каб спыніць эпідэмію. Ёсць палітычная воля, каб рэалізоўваць прафілактычныя праграмы сярод уразлівых групаў і насельніцтва ўвогуле. Гэта павінна спрацаваць, але гэта не нейкае аднаразовае дзеянне, такое, што сёння пачалі рабіць, а заўтра інфекцыя спынілася. Праца з людзі – адна з самых складаных, і каб змяніць нейкае мысленне, каб людзі прызвычаіліся, патрэбен час. У кожным разе сёння стаўленне людзей да ВІЧ іншае, не такое, як было 10, 20 гадоў назад. Я сам жыву з дыягназам 22 гады, і тое, як ставіліся да мяне ў тыя гады, і тое, як ставяцца сёння – гэта розныя рэчы…»

Зміцер Кароль, каардынатар сеткі «Y-PEER» у Беларусі, тлумачыць:

«Параўноўваць з заходнімі краінамі не зусім правільна, больш карэктна параўноўваць з Усходняй Еўропай і Цэнтральнай Азіяй, бо ў гэтым рэгіёне ВІЧ распаўсюджваўся спецыфічна – з уразлівых групаў ВІЧ выйшаў, і ёсць ва ўсіх групах насельніцтва, а не толькі ва ўразлівых».

 

Глядзі таксама
Каментары